అప్పుడు అనసూయ ఇప్పుడు మోనాల్.. బిగ్ బాస్ బ్యూటీతో పక్కా ప్లాన్! అందుకు కారణమిదే..

గతంలో వచ్చిన రొమాంటిక్ ఎంటర్‌టైనర్ 'సోగ్గాడే చిన్నినాయనా' సినిమాకు సీక్వల్‌గా '' సినిమా రాబోతున్న సంగతి తెలిసిందే. కళ్యాణ్ కృష్ణ కురసాల దర్శకత్వంలో వచ్చిన ఈ సినిమాలో టైటిల్ సాంగ్‌కు నాగార్జునతో కలిసి చిందులేసింది యాంకర్ అనసూయ. ఈ సాంగ్‌లో చిందులాట బాగా అట్రాక్ట్ చేయడమే గాక, ఆమెకు మంచి ఫాలోయింగ్ కూడా తెచ్చిపెట్టింది. అయితే ఇప్పుడు 'బంగార్రాజు' సినిమాలో సరిగ్గా అలాగే చేయబోతోందట గజ్జర్. బంగార్రాజు సినిమాలో నాగార్జునతో అనసూయ మళ్లీ చిందులేస్తుందా? అనే దానిపై ఇప్పటికైతే ఎలాంటి అప్‌డేట్ రాలేదు కానీ.. ఈ సినిమాలో బిగ్ బాస్ బ్యూటీ మోనాల్ గజ్జర్ మాత్రం ఓ ప్రత్యేకమైన పాత్రలో కనిపించనుందని తెలుస్తోంది. ఇది కేవలం పాటకు పరిమితం అయ్యే పాత్ర కాదని, కాస్త నిడివితో కూడిన పాత్రే అని అంటున్నారు. ఇప్పటికే మోనాల్‌తో చర్చలు ముగిశాయని తెలుస్తోంది. ఫస్ట్ షెడ్యూల్ లోనే మోనాల్ షూటింగ్ పార్ట్ కంప్లీట్ చేయాలని సన్నాహాలు చేస్తున్నారట. నాగార్జున హోస్ట్‌గా చేసిన బిగ్ బాస్ హౌస్‌లో మోనాల్ ఆయన అభిమానం చూరగొంది. గ్లామరస్ బ్యూటీగా హౌస్‌లో తెగ హల్చల్ చేసింది. ఇక ఇటీవలే 'అల్లుడు అదుర్స్' సినిమాలో ఐటెం సాంగ్ చేసి తెలుగు ప్రేక్షకులను ఉర్రూతలూగించింది. ఈ కారణాలతోనే నాగార్జునతో మోనాల్‌ చిందులేసేలా ప్లాన్ చేశారట కళ్యాణ్ కృష్ణ కురసాల. ఈ నెల 20 నుంచి 'బంగార్రాజు' రెగ్యులర్ షూటింగ్ ప్రారంభించనున్నారు. త్వరత్వరగా షూటింగ్ కంప్లీట్ చేసి సంక్రాంతి బరిలో దించాలని చూస్తున్నారట. ఈ మూవీలో నాగార్జునతో పాటు నాగ చైతన్య కూడా నటిస్తున్నారు. నాగార్జున సరసన రమ్యకృష్ణ నటిస్తుండగా, నాగ చైతన్య సరసన 'ఉప్పెన' బ్యూటీ కృతి శెట్టిని తీసుకున్నారు. ఈ సినిమాపై అన్నివర్గాల ప్రేక్షకులు అంచనాలు పెట్టుకున్నారు.

from https://ift.tt/3CaxvHd