వెంకటేష్ బాటలో నితిన్.. 'మాస్ట్రో' స్ట్రీమింగ్‌కి ముహూర్తం ఫిక్స్!

దేశంలో కరోనా మహమ్మారి ఎంటరైంది.. పరిస్థితులు తలక్రిందులు చేసింది. కరోనా దెబ్బకు సినీ రంగంలో చాలా మార్పులొచ్చాయి. అప్పటిదాకా థియేటర్లకు ఉన్న డిమాండ్ ఒక్కసారిగా ఓటీటీల వైపు మళ్లింది. లాక్ డౌన్ ప్రభావంతో థియేటర్స్ గేట్లు మూతబడటం, మరోవైపు అదే సమయంలో ఇంటర్నెట్ వేగం, వాడకం రోజురోజుకూ పుంజుకుంటూ ఉండటంతో ఓటీటీల హవా నడుస్తోంది. చిన్న సినిమాలతో పాటు పెద్ద సినిమాలు కూడా ఓటీటీ బాట పట్టడం చూస్తున్నాం. రీసెంట్‌గా వెంకటేష్ 'నారప్ప' మూవీ అమెజాన్ ప్రైమ్ ఓటీటీలో రిలీజ్ కాగా.. ఇప్పుడు '' కూడా అదే బాటలో వెళ్ళడానికి రెడీ అయిందట. ఈ ఏడాది వరుస సినిమాలను లైన్‌లో పెట్టిన నితిన్ ఇటీవలే 'చెక్' సినిమాతో డిజాస్టర్ మూటగట్టుకొని ఆ వెంటనే 'రంగ్ దే' మూవీతో డీసెంట్ హిట్ అందుకున్నాడు. ఇక ఇప్పుడు 'మ్యాస్ట్రో' అంటూ మరో డిఫరెంట్ సినిమాతో ప్రేక్షకుల ముందుకు రాబోతున్నాడు. హిందీలో సూపర్ హిట్ సాధించిన ‘అంధాధూన్’ సినిమాకు తెలుగు రీమేక్‌‌గా ఈ మూవీని ప్రేక్షకుల ముందుకు తీసుకొస్తున్నారు. నితిన్ 30వ సినిమాగా మేర్లపాక గాంధీ దర్శకత్వంలో తెరకెక్కుతున్న ఈ చిత్రంలో , హీరోయిన్లుగా నటిస్తున్నారు. కాగా.. ఈ సినిమాను ఓటీటీలో విడుదల చేయనున్నట్లు ఇటీవల కొన్ని వార్తలు వచ్చిన సంగతి తెలిసిందే. ఇప్పుడు అదే నిజం అనే టాక్ వినిపిస్తోంది. 'మాస్ట్రో' డిజిటల్ రిలీజ్ హక్కులను హాట్ స్టార్ సంస్థ భారీ ధరకు సొంతం చేసుకున్నట్లు చెప్పుకుంటున్నారు. ఆగస్టు 15న స్ట్రీమింగ్‌కు రెడీ అవుతున్నట్లు సమాచారం. నితిన్ సొంత నిర్మాణ సంస్థ 'శ్రేష్ఠ్ మూవీస్' బ్యానర్‌పై రూపొందుతున్న ఈ సినిమాకు నితిన్ తండ్రి సుధాకర్ రెడ్డి, సోదరి నిఖితా రెడ్డి నిర్మాతలుగా వ్యవహరిస్తున్నారు. మహతి స్వరసాగర్ సంగీతం అందిస్తున్నారు. చిత్రంలో నితిన్ అంధుడిగా కనిపించనున్నారు.

from https://ift.tt/3hWv5UD