పీపుల్ స్టార్ అంటూ ప్రకటించుకున్న కౌశల్.. ఆడేసుకుంటున్న నెటిజన్లు

బిగ్ బాస్ షోతో ఎంతగా ఫేమస్ అయ్యారో అందరికీ తెలిసిందే. అంతకు ముందు బుల్లితెర, అడల్ట్ చిత్రాలు, వెండితెర అంటూ అక్కడక్కడా తిరిగేవారు. అలా మోడలింగ్ నుంచి సిల్వర్ స్క్రీన్ వరకు కౌశల్ ప్రయాణం అంతా ఒకెత్తు అయితే మధ్యలో బిగ్ బాస్ షో జర్నీ అంతా ఇంకో ఎత్తు. బిగ్ బాస్ రెండో సీజన్ విన్నర్‌గా కౌశల్ సృష్టించిన హంగామా అంతా ఇంతా కాదు. ఎంత పాజిటివ్ ఇమేజ్ తెచ్చుకున్నారో అంతే స్థాయి నెగెటివిటీని మూట గట్టుకున్నారు. కౌశల్ ఆర్మీ, ఫౌండేషన్, ఆ ఓట్లు ఇలా అన్నీ కూడా కాంట్రవర్సీకి కేరాఫ్ అడ్రస్‌గా మారాయి. అయితే అవన్నీ కాసేపు పక్కన పెట్టేద్దాం. కౌశల్ సినీ కెరీర్ గురించి మాట్లాడుకుందాం. బిగ్ బాస్ విన్నర్‌గా నిలిచి బయటకు వచ్చిన కౌశల్‌కు సినీ అవకాశాలు వెల్లువెత్తాయనే రూమర్లు బయటకువచ్చాయి. పైగా కౌశల్ హీరోగా అంటూ తన ఆర్మీలోని మెంబర్స్ కథ చెప్పడానికి వెళ్లడం, ఆ వివాదాల గురించి అందరికీ తెలిసిందే. కౌశల్‌కు హీరోగా ఆఫర్లు ఫుల్లుగా వచ్చాయంటూ రూమర్లు వచ్చాయి. కానీ ఏ ఒక్క చిత్రం కూడా పట్టాలెక్కలేదు. కొన్ని చిత్రాల్లో కౌశల్‌కు సపోర్టింగ్ రోల్స్ వచ్చాయి. ఇప్పుడు ఆది సాయి కుమార్ బ్లాక్ సినిమాలో పోలీస్ ఆఫీసర్ పాత్రలో కౌశల్ నటిస్తున్నారు. అయితే తాజాగా తాను హీరోగా రాబోతోన్న ప్రాజెక్ట్ షూటింగ్ ప్రారంభమైందంటూ కౌశల్ ప్రకటించారు. ఈ క్రమంలో తనని తాను పీపుల్ స్టార్ అని చెప్పేసుకున్నారు. ‘గత మూడు సంవత్సరాలుగా నన్ను అభిమానిస్తూ నన్ను "పీపుల్ స్టార్" గా పిలుచుకుంటూ ఆనందిస్తూ, అన్నా నిన్ను బిగ్ స్క్రీన్ మీద హీరో గా చూడాలను వుంది ఆ అవకాశం మాకు ఎప్పుడు వస్తుంది అంటూ ప్రతీ రోజు అడుగుతూ వారి కోరిక తీర్చటమే నా కలగా మార్చిన నా అభిమానులందరి కోసం ఈ రోజు మీ అందరి రోజు గా చేస్తూ నేను హీరో గా నటిస్తున్న "" మూవీ ముహూర్తం షాట్ మీతో పంచుకోవాలని అనుకుంటున్నా. ఎప్పటి లాగే మీ ప్రేమ , అభిమానం నా మీద , మా మూవీ యూనిట్ మొత్తం మీద చూపిస్తారని నాకు తెలుసు’ అని అన్నారు. ఇక అలా పీపుల్ స్టార్ అని చెప్పుకోవడంపై నెటిజన్లు కౌంటర్లు వేస్తున్నారు. రకరకాల మీమ్స్‌తో ఆడుకుంటున్నారు. ఆర్ నారాయణ మూర్తి పీపుల్ స్టార్ అని తెలుసు మరీ నువ్ కూడానా? అని సెటైర్లు వేస్తున్నారు. ఇలా ఇష్టమొచ్చినట్టు స్టార్ ట్యాగ్‌లు తగిలించుకుంటున్నారు అని నెటిజన్లు కామెంట్లు పెడుతున్నారు.

from https://ift.tt/3wXrCtg