మొదలైన ఎన్టీఆర్ బర్త్‌డే హంగామా.. టాప్ ట్రెండ్.. మోషన్ పోస్టర్ విడుదల

యంగ్ టైగర్ ఎన్టీఆర్ పుట్టినరోజు హంగామా అప్పుడే మొదలైపోయింది. ఎన్టీఆర్ పుట్టినరోజు మే 20 అన్న సంగతి తెలిసిందే. అంటే ఆయన పుట్టినరోజు వేడుకను జరుపుకోవడానికి ఇంకా 10 రోజుల సమయం ఉంది. అయితే, అభిమానులు అప్పుడే సోషల్ మీడియాలో వాడుకోవడానికి కామన్ డిస్ప్లే పిక్ (CDP)ని విడుదల చేసేశారు. దాంతో పాటు కామన్ డీపీ మోషన్ పోస్టర్‌ను కూడా రిలీజ్ చేశారు. ఎన్టీఆర్ అభిమానులంతా అప్పుడే ట్విట్టర్‌లో తమ డీపీలను కామన్ డీపీతో మార్చేశారు. ఎన్టీఆర్ బర్త్‌డే ట్వీట్లతో రికార్డులు క్రియేట్ చేయడానికి నందమూరి అభిమానులు అప్పుడే పని మొదలుపెట్టేశారు. ట్వీట్ల వర్షం కురిపిస్తున్నారు. #NTRBirthdayCDP హ్యాష్‌టాగ్‌తో నందమూరి అభిమానులు వరుసపెట్టి ట్వీట్లు చేస్తున్నారు. ఇప్పటికే ఈ ట్వీట్ల సంఖ్య 1.3 మిలియన్ దాటిపోయింది. ప్రస్తుతం ఇది ఇండియాలో టాప్ ట్రెండ్. ఈ ట్రెండ్ మొదలైన కొన్ని గంటల్లోనే 1.3 మిలియన్ ట్వీట్స్ అంటే మే 20కి ఇది ఎంత దూరం వెళ్తుందో! నిజానికి ఒకప్పుడు సినిమాలతో రికార్డుల కోసం హీరోల అభిమానులు పోటీపడేవారు. కానీ ఇప్పుడు ట్వీట్లలోనూ పోటీ పడుతున్నారు. ఇదిలా ఉంటే, ఎన్టీఆర్ ప్రస్తుతం ‘RRR’ సినిమాలో నటిస్తోన్న సంగతి తెలిసిందే. ఈ భారీ పాన్ ఇండియా మూవీలో కొమరం భీమ్ పాత్రను ఎన్టీఆర్ పోషిస్తున్నారు. ఇదే సినిమాలో మరో హీరోగా నటిస్తోన్న రామ్ చరణ్‌కు సంబంధించి ఆయన పుట్టినరోజు నాడు వీడియో ఒకటి విడుదల చేశారు. కాబట్టి, ఎన్టీఆర్ బర్త్‌డేకు కూడా ఈ మూవీ నుంచి స్పెషల్ వీడియో వస్తుందని అభిమానులు ఆశగా ఎదురుచూస్తున్నారు. మరి, దర్శకధీరుడు రాజమౌళి ఎలాంటి సర్‌ప్రైజ్ ఇస్తారో చూడాలి. అలాగే, ఎన్టీఆర్-త్రివిక్రమ్ సినిమాను ఇప్పటికే ప్రకటించారు. దీనికి సంబంధించి ఏమైనా అప్‌డేట్ వస్తుందేమోనని కూడా నందమూరి అభిమానులు ఎదురుచూస్తున్నారు.

from https://ift.tt/35InLUQ