ఎనర్జిటిక్ స్టార్ రామ్ హీరోగా వస్తోన్న చిత్రం ‘రెడ్’. తిరుమల కిశోర్ దర్శకత్వం వహించారు. మాళవిక శర్మ, నివేదా పేతురాజ్, అమృతా అయ్యర్ హీరోయిన్లుగా నటించారు. శ్రీ స్రవంతి మూవీస్ బ్యానర్‌పై ‘స్రవంతి’ రవికిశోర్ నిర్మించారు. మణిశర్మ సంగీతం సమకూర్చిన ఈ సినిమా నుంచి ‘నువ్వే నువ్వే’ అని సాగే పాట ఇప్పటికే విడుదలైంది. ఈ పాట మేకింగ్ వీడియోను తాజాగా విడుదల చేశారు. ఈ పాటను ఇటలీలో చిత్రీకరించారు. అందుకే, ఇండియా నుంచి ఇటలీకి బయలుదేరి వెళ్లడం దగ్గర నుంచి షూటింగ్, రెస్టారెంట్‌లో భోజనం చేయడం ఇలా ప్రతీదీ వీడియోలో చూపించారు. ఇటలీలోని టుస్కాన్‌, ఫ్లారెన్స్, డోల‌మైట్స్‌ ప్రాంతాల్లో ఈ సినిమాలోని పాటలను చిత్రీకరించారు. వాటిలో కొన్ని లొకేషన్లు ‘నువ్వే నువ్వే’ పాటలో చూపించారు. నిజంగా లొకేషన్స్ అదిరిపోయాయి. రామ్, మాళవిక శర్మపై ఈ పాటను చిత్రీకరించారు. రమ్య బెహర, అనురాగ్ కులకర్ణి ఈ పాటను ఆలపించారు. శోభి మాస్టర్ కొరియోగ్రఫీ చేశారు. కాగా, ఈ షెడ్యూల్‌లో సుమారు 30 మంది యూనిట్ సభ్యులు పాల్గొన్నారు. ఇటలీని కరోనా వైరస్ చుట్టిముట్టడానికి వారం రోజుల ముందు ‘రెడ్’ యూనిట్ ఇండియాకు తిరిగి వచ్చింది. Also Read: ఇదిలా ఉంటే, ‘రెడ్’ సినిమాలో రామ్ రెండు షేడ్స్ ఉన్న పాత్రలో నటించారు. ఈ చిత్ర దర్శకుడు తిరుమల కిశోర్‌తో గతంలో రామ్ రెండు సినిమాలు చేశారు. ‘నేను శైలజ’, ‘ఉన్నది ఒకటే జిందగీ’ సినిమాల తరవాత రామ్-తిరుమల కిశోర్ కాంబినేషన్‌లో వస్తోన్న మూడో చిత్రం ‘రెడ్’. ‘ఇస్మార్ట్ శంకర్’ లాంటి హిట్ తరవాత రామ్ నుంచి వస్తోన్న సినిమా కావడంతో దీనిపై అంచనాలున్నాయి. ‘ఇస్మార్ట్ శంకర్’కు సంగీతం సమకూర్చిన మణిశర్మ ఈ సినిమాకూ పనిచేయడం విశేషం. సమీర్ రెడ్డి సినిమాటోగ్రఫీ అందించిన ఈ సినిమాకు పీటర్ హెయిన్ ఫైట్స్ కంపోజ్ చేశారు.
from https://ift.tt/2Lgw9kR
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment