లాక్‌డౌన్ వేళ రాజమౌళి అదిరిపోయే స్కెచ్.. ఎన్టీఆర్, రామ్ చరణ్‌లతో!

కరోనా ఎఫెక్ట్‌తో సినిమా షూటింగ్స్ అన్నీ వాయిదా పడ్డాయి. నటీనటులంతా ఇళ్లకే పరిమితమయ్యారు. ఈ పరిస్థితుల్లో ఈ విరామ సమయాన్ని వినియోగించేలా దర్శక ధీరుడు పకడ్బందీ ప్లాన్ చేశారని తెలుస్తోంది. ఆయన రూపొందిస్తున్న మూవీని ప్రకటించిన తేదీకే విడుదల చేయాలనే కోణంలో పనులు ప్రారంభించారట జక్కన్న. ఇప్పటికే 75 శాతం మేర RRR షూటింగ్ ఫినిష్ చేసిన ఆయన ఈ ఖాళీ సమయాన్ని డబ్బింగ్ కార్యక్రమాల కోసం వాడుతున్నారని సమాచారం. స్టార్ హీరోలు ఎన్టీఆర్‌, రామ్‌చ‌ర‌ణ్ హీరోలుగా రూపొందుతున్న ఈ భారీ మల్టీస్టారర్ సినిమాను డీవీవీ దానయ్య నిర్మిస్తున్నారు. చిత్రంలో ఎన్టీఆర్ కొమురం భీం రోల్‌లో నటిస్తుండగా, రామ్ చరణ్ అల్లూరి సీతారామరాజు రోల్ పోషిస్తున్నారు. హాలీవుడ్, బాలీవుడ్ బ్యూటీలు ఒలీవియా మోరిస్, ఆలియా భట్ హీరోయిన్లుగా నటిస్తున్నారు. అజయ్ దేవగణ్ కీలకపాత్ర పోషిస్తున్నారు. ఇప్పటికే ఎన్టీఆర్, రామ్ చరణ్‌లకు సంబంధించి మేజర్ పార్ట్ షూటింగ్ ఫినిష్ అయింది. ఇంతలో కరోనా విలయతాండవం స్టార్ట్ కావడంతో షూటింగ్ నిలిపివేశారు రాజమౌళి. అయితే ఈ గ్యాప్‌ను వృథా చేయడం ఎందుకని భావించిన జక్కన్న.. ఇప్పటికే ఫినిష్ అయిన షూటింగ్ తాలూకు పోస్ట్ ప్రొడ‌క్ష‌న్ కార్య‌క్ర‌మాల‌ను స్టార్ట్ చేశార‌ట‌. ఇందులో భాగంగా ఇద్ద‌రు హీరోల‌కు హోమ్‌వర్క్ ఇచ్చారట. వారిద్దరితో ఇంట్లోనే డ‌బ్బింగ్ చెప్పిస్తున్నార‌ట జ‌క్క‌న్న‌. రామ్ చ‌ర‌ణ్‌, ఎన్టీఆర్ వారి వారి హోం థియేట‌ర్స్‌ను డ‌బ్బింగ్ థియేట‌ర్స్‌గా మార్చుకుని డ‌బ్బింగ్ చెబుతున్నారని, రాజమౌళి తన ఇంట్లో నుంచే ఆ డబ్బింగ్‌ను ప‌ర్య‌వేక్షిస్తున్నార‌ని ఇన్‌సైడ్ టాక్. ఈ రేంజ్ రిస్క్ తీసుకుంటున్నారంటే చెప్పినట్లుగానే జనవరి 8వ తేదీన RRR (రౌద్రం రణం రుధిరం) చిత్రాన్ని విడుదల చేస్తారన్నమాట రాజమౌళి.

from https://ift.tt/3egJNSq