మహేష్‌కు కలిసొచ్చిన లాక్ డౌన్.... మరో సరికొత్త రికార్డ్

టాలీవుడ్ సూపర్ స్టార్ మహేష్ బాబుకు.. లాక్ డౌన్ కాలం కూడా కలిసొస్తుంది. అందుకే ఆయన ఈ సమయంలో కూడా రికార్డుల మోత మోగిస్తున్నాడు. సూపర్‌స్టార్ , అందాల భామ శ్రుతి హాసన్ కలిసి జంటగా నటించిన సినిమా శ్రీమంతుదు. ప్రముఖ డైరెక్టర్ కొరటాల శివ దీన్ని తెరకెక్కించారు. యాక్షన్ అండ్ రొమాంటిక్ మూవీ శ్రీమంతుడు... బాక్సాఫీస్ దగ్గర ప్రభంజనం సృష్టించిన విషయం తెలిసిందే. అయితే తాజాగా ఈ సినిమా రమో సరికొత్త రికార్డుని కూడా తన ఖాతాలో వేసుకుంది. ఇప్పటి వరకు ఈ చిత్రాన్ని యూట్యూబ్‌లో 99,080,385 మంది వీక్షించగా, ఇంత వ్యూస్‌ని సంపాదించిన మొదటి తెలుగు మూవీగా శ్రీమంతుడు నిలిచింది . త్వరలో 100 మీలియన్ వ్యూస్‌ను కూడా దాటనుంది. మరోవైపు ఇవాళ ట్విట్టర్‌లో కూడా శ్రీమంతుడు సినిమా ట్రెండింగ్‌లో నిలిచింది. సోషల్ మెసేజ్ ఓరియెంటెడ్ మూవీగా రూపొందిన శ్రీమంతుడు చిత్రం తన తండ్రి నుండి వ్యాపార సామ్రాజ్యాన్ని వారసత్వంగా పొందిన యువకుడి కథ నేపథ్యంలో రూపొందింది. దేవరకోట అనే మారుమూల గ్రామంలో తన తండ్రి పూర్వీకుల మూలాల గురించి తెలుసుకున్నప్పుడు, హర్ష వర్ధన్ గ్రామాన్ని దత్తత తీసుకొని గ్రామ ప్రజల జీవన ప్రమాణాలను మెరుగుపరచడానికి ప్రయత్నిస్తాడు. 2015 లో విడుదలైన శ్రీమంతుడు ప్రపంచవ్యాప్తంగా దాదాపు రూ2.0 బిలియన్లు వసూళ్ళు చేసింది. ఈ సినిమా తర్వాత మహేష్ తన తండ్రి సొంతగ్రామం బుర్రుపాలెంను కూడా నిజంగానే దత్తత తీసుకున్నాడు. అక్కడ అనేక అభివృద్ధి కార్యక్రమాలు కూడా చేపట్టాడు. మహేష్ భార్య నమ్రత ఈ వ్యవహారాలన్ని చూసుకుంటున్నారు.

from https://ift.tt/2XrxHzW