ఆ సమయంలో అలాంటివి వాడొదన్న నెటిజన్.. రష్మీ గౌతమ్ జబర్దస్త్ కౌంటర్

జబర్దస్త్ బ్యూటీ రష్మీ ‌గౌతమ్ సోషల్ మీడియాలో యమ యాక్టివ్‌. ఎప్పటికప్పుడు తన విషయాలు తెలుపుతూ, సామాజిక అంశాల పట్ల స్పందించే ఆమె.. తనపై నెటిజన్స్ కౌంటర్స్ వేస్తే మాత్రం అస్సలు ఊరుకోదు. అలాగే నెటిజన్స్ ఇచ్చే సలహాలపై కూడా రియాక్ట్ అవుతుండటం అమ్మడికి బాగా అలవాటు. తాజాగా అలాంటి సందర్భమే ఒకటి ఎదురైంది. సహజంగా జంతు ప్రేమికురాలైన రష్మీకి ఓ నెటిజన్ విమర్శనాత్మక సలహా ఇచ్చాడు. దీంతో వెంటనే స్పందించిన ఆమె అతనికి జబర్దస్త్ కౌంటర్ ఇస్తూ రిప్లై పెట్టింది. కరోనా కట్టడిలో భాగంగా దేశవ్యాప్తంగా లాక్ డౌన్ విధించారు. దీంతో గుడి, బడి, రెస్టారెంట్ ఇలా అన్నీ బంద్ చేయబడ్డాయి. ప్రజలంతా ఇళ్లకే పరిమితమయ్యారు. పనులన్నీ నిలిచిపోవడంతో పలువురు దాతలు మానవతా హృదయంతో అవసరమున్న వారిని నిత్యావసర వస్తువులు, ఆహార పంపణీ చేస్తున్నారు. మరి ఇలాంటి విపత్కర పరిస్థితుల్లో జంతువులకు ఆహారం ఎలా సమకూరుతుందని భావించిన రష్మీ అండ్ టీమ్.. రోడ్లపై ఉండే జంతువులకు ఆహారం పెట్టింది. ఆ పిక్స్ తన ట్విట్టర్ ఖాతా ద్వారా షేర్ చేసింది. అయితే రష్మీ షేర్ చేసిన ఈ పిక్స్ చూసి ఓ నెటిజన్ కామెంట్ చేశాడు. ''మీరు చేస్తున్న ఆ పని సూపర్. కానీ కుక్కులకు ఫుడ్ పెట్టే సమయంలో న్యూస్ పేపర్ వాడకూడదు. అందులో ఆరోగ్యానికి హానికలిగించే కెమికల్ ఉంటుంది. కాబట్టి దానికి ప్రత్యామ్నాయంగా వేరే ఏదైనా ఆలోచన చేయండి'' అని పేర్కొన్నాడు. దీనికి బదులిచ్చిన రష్మీ.. ఇలాంటి విపత్కర పరిస్థితి వస్తుందని ఎవరూ ఊహించలేదు. ఈ సమయంలో రోడ్లపై ఉండే జంతువులకు ఫుడ్ పెట్టడమనేదే పెద్ద టాస్క్. అయినా వాళ్లు ఆ పని చేస్తున్నారు. ఇది చూసి సంతోషపడండి చాలు.. ఇలాంటి సమయంలో సలహాలు ఇవ్వడం ఈజీనే అంటూ సెటైర్స్ వేసింది. అయినా ఆ జంతువులకు ఏమీ నమ్ముతున్నానంటూ తన ట్వీట్‌లో పేర్కొంది రష్మీ.

from https://ift.tt/2Rua9qr