‘ఆచార్య’ సినిమా స్టోరీ చెప్పేసిన చిరంజీవి

మరో కొత్త సినిమాతో ప్రేక్షకుల ముందుకు వస్తున్న విషయం తెలిసిందే. ఈ సినిమాకు ఆచార్య అనే టైటిల్ కూడా పెట్టేశారు. ప్రముఖ దర్శకుడు కొరటాల శివ ఈ సినిమాకు దర్శకత్వం వహిస్తున్నారు. ప్రస్తుతం కరోనా వైరస్ లాక్ డౌన్‌తో ఈ సినిమా షూటింగ్‌కు సైతం బ్రేకులు పడ్డాయి. ప్రస్తుత సమయంలో చిరు పలు పత్రికలకు ఇంటర్య్వూలు ఇస్తున్నారు. తాజాగా ఓ ఇంగ్లీష్ పత్రికకు ఇంటర్య్వూ ఇచ్చిన మెగాస్టార్ మొత్తాన్ని రివీల్ చేసేశారు. ఆంగ్ల దినపత్రికకి ఇచ్చిన ఇంటర్వ్యూలో మాట్లాడుతూ, ఇది ఒక పొలిటికల్ థ్రిల్లర్ అనీ, ప్రకృతి వనరులను కాపాడుకోవడం కోసం ఒక వ్యక్తి చేసే పోరాటంగా సాగుతుందని ఆచార్య కథ గురించి చెప్పారు. ఈ సినిమాలో దేవాలయ భూముల ఆక్రమణకి సంబంధించిన అంశం కూడా వుండే అవకాశం వుందన్నారు. ఆచార్య సినిమాకు మణిశర్మ సంగీతం ప్రత్యేక ఆకర్షణగా నిలుస్తుందని కూడా చిరు తెలిపారు. గతంలో కూడా ఓ సినిమా వేడుక లో ఆచార్య టైటిల్ ను రివీల్ చేసి అందరికీ షాక్ ఇచ్చాడు. ఇప్పుడేమో సినిమా కథ ను బయటకు చెప్పారు. కొణిదెల ప్రొడక్షన్స్ మరియు మాట్నీ ఎంటెర్టైన్మెట్స్ ఈ చిత్రాన్ని నిర్మిస్తోంది. అందాల చందమామ కాజల్ హీరోయిన్ గా నటిస్తుంది. ఇంతకుముందు 150 సినిమాలో కూడా మెగాస్టార్‌తో కాజల్ కలిసి నటించిన విషయం తెలిసిందే. మరోవైపు ఈ సినిమాను ఆగ‌స్ట్ 14న విడుద‌ల చేయాల‌నుకున్నారు. కానీ క‌రోనా వైర‌స్ ప్ర‌భావంతో షూటింగ్ కాస్త ఆగింది. దీంతో మూవీ విడుద‌ల వాయిదా ప‌డుతుంద‌ని వార్త‌లు విన‌ప‌డుతున్నాయి. ‘ఆచార్య’ విడుద‌ల ఈ ఏడాది ద్వితీయార్థం చివ‌రలో ఉండొచ్చంటున్నారు. లేకుంటే వ‌చ్చే ఏడాది స‌మ్మ‌ర్‌లోనే విడుద‌ల చేస్తార‌నే టాక్ సోష‌ల్ మీడియాలో చ‌క్క‌ర్లు కొట్టింది.

from https://ift.tt/2XBlQPV