‘మేడమీద అబ్బాయి’ అబ్బాయి సినిమా ద్వారా టాలీవుడ్కు పరిచయమైన మలయాళ కుట్టి నిఖిలా విమల్. ఆ తరవాత ‘గాయత్రి’ సినిమాలోనూ నటించారు. మలయాళంలో వరుసపెట్టి సినిమాలు చేస్తోన్న ఈ నటి ప్రస్తుతం కోవిడ్-19 కాల్ సెంటర్లో పనిచేస్తున్నారు. పేద ప్రజలకు నిత్యావసరాలను సరఫరా చేయడానికి కేరళలోని కన్నూర్ జిల్లా పంచాయతీ కార్యాలయంలో కాల్ సెంటర్ ఏర్పాటు చేశారు. ఈ కాల్ సెంటర్లో తన సేవలు అందిస్తోన్న నిఖిలా విమల్.. ప్రజలు చేస్తోన్న ఫోన్ కాల్స్ను రిసీవ్ చేసుకుని వారికి కావాల్సిన మెడిసిన్స్, ఇతర నిత్యావసరాల జాబితాలను తయారు చేస్తున్నారు. ‘‘పేదలకు సేవ చేయడానికి ప్రముఖ వ్యక్తులు ముందుకు రావాలని హెల్ప్ సెంటర్ నిర్వాహకులు ఆహ్వానించారు. దీంతో నేను స్వచ్ఛందంగా ఈ మిషన్లో చేరాను. ప్రజలు ఇళ్లలోనే ఉండేలా చేయడమే ఈ మిషన్ ముఖ్యోద్దేశం. నిత్యావసర సరుకులు కొనుగోలు చేయడానికి కూడా ప్రజలు బయటికి రానవసరం లేదు. మా వాలంటీర్లే డోర్ డెలివరీ చేస్తారు’’ అని నిఖిలా చెప్పారు. అయితే, తానెవరో రిలీల్ చేయకుండా కాలర్స్తో మాట్లాడుతున్నానని నిఖిలా స్పష్టం చేశారు. కాగా, తాళిపరాంబలోని తన ఇంటి నుంచి రోజూ 20 కిలోమీటర్లు ప్రయాణం చేసి హెల్ప్ సెంటర్కు చేరుకుంటున్నారు నిఖిలా. ఉదయం 10 గంటల నుంచి సాయంత్రం 5 గంటల వరకు విధులు నిర్వర్తిస్తున్నారు. ప్రస్తుతం ఉన్న లాక్డౌన్ నిబంధనలను గౌరవిస్తూ తాను నిరంతరం కాల్ సెంటర్కు వెళ్లడంలేదని నిఖిలా చెప్పారు. తాను చేస్తున్న ఈ పని వల్ల ప్రజలు ఎలాంటి ఇబ్బందులు ఎదుర్కొంటున్నారో తెలుసుకోగలిగానని అన్నారు. ‘‘మొదటల్లో ప్రజలు భయాందోళనకు గురికాకుండా చూసుకోవడం పెద్ద ఛాలెంజ్లా ఉండేది. అయితే, ప్రజలు అడుగుతోన్న నిత్యావసరాలను వారికి సరఫరా చేస్తుండటంతో ఇప్పుడు వాళ్లలో ఆ భయం పోయింది. ఈ జిల్లాలో ఉమ్మడి కుటుంబాలు ఎక్కువ. కాబట్టి, వాళ్లకు నిత్యావసర సరుకుల అవసరం ఎక్కువగా ఉంటుంది. ఇది నాకొక కొత్త ఎక్స్పీరియన్స్. ఇలాంటి క్లిష్ట పరిస్థితుల్లో నా వంతు సహకారం అందించిడం చాలా ఆనందంగా ఉంది’’ అని నిఖిలా చెప్పుకొచ్చారు.
from https://ift.tt/2XCD5jC
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment