వర్మపై యువతి టిక్ టాక్... బంపర్ ఆఫర్ ఇచ్చిన డైరెక్టర్

వివాదాస్పద డైరెక్టర్ వర్మ ఏ విషయంలో అయినా కాస్త డిఫరెంట్‌గానే ఆలోచిస్తాడు. అతడిపై ఎవరైనా విమర్శలు చేసిన కూడా అదే రీతిలో స్పందిస్తాడు. అందుకే చాలామంది వర్మ డైలాగ్స్‌తో టిక్ టాక్ చేస్తుంటారు. ఆర్జీవీ వివిధ సందర్భాల్లో చేసిన వ్యాఖ్యల్ని టిక్ టాక్ చేస్తుంటారు. ఎక్కువగా అమ్మాయిలే వర్మ డైలాగ్స్‌తో టిక్ టాక్‌తో ప్రత్యక్షమవుతుంటారు. తాజాగా ఓ యువతి చేసిన టిక్ టాక్ వీడియోను వర్మ తన ట్విట్టర్ ఖాతాలో పోస్టు చేశారు. అంతేకాదు ఆ అమ్మాయికి బంపర్ ఆఫర్ కూడా ఇచ్చాడు. ‘ నీకు సినిమాల్లో నటించే ఇంట్రస్ట్ ఉంటే... వెంటనే మీ డిటైల్స్ పంపండి ’ అంటూ ఓ మెయిల్ ఐడీ అడ్రస్ కూడా ఇచ్చాడు వర్మ. అయితే వర్మ చేసిన ఈ ట్వీట్ పై ఆ యువతి మాత్రం ఇంతవరకు స్పందించలేదు. కానీ... మిగిలిన నెటిజన్స్ మాత్రం రకరకాలుగా స్పందిస్తున్నారు. మాకు ఒక ఛాన్స్ ఇవ్వండి అంటూ కొందరు ట్వీట్ చేస్తున్నారు. ఇంకొందరు ఫ్యూచర్ స్టార్ వచ్చిందా అంటూ కామెంట్లు పెడుతున్నారు. మరీ వర్మ ఇచ్చిన ఈ ఆఫర్‌కు ఆ యువతి అసలు స్పందిస్తుందో లేదో చూడాలంటే కాస్త వెయిట్ చేయాల్సిందే. మరోవైపు కరోనా లాక్ డౌన్‌తో ఇంటికే పరిమితమైన కరోనాపై రకరకాల జోకులు వేస్తూ జనాన్ని ఎంటర్ టైన్ చేస్తున్నాడు. అటు రాజకీయ నేతల్ని కూడా అప్పుడప్పుడు కదిలిస్తూ ఉన్నాడు. తాజాగా వర్మ వేసిన ఓ ట్వీట్‌కు కేటీఆర్ అదిరిపోయే పంచ్ వేసిన సంగతి తెలిసిందే. ట్విట్టర్ లో కేసీఆర్, కేటీఆర్, వైఎస్ జగన్ కు ట్యాగ్ చేస్తూ ‘మందు దొరక్క జుట్టు రాలిపోతోందని.. ఇంట్లో భార్యలను కొడుతున్నారని.. గొడవలు అవుతున్నాయని.. పిచ్చోళ్లై ఆస్పత్రుల పాలవుతున్నారని.. మన రాష్ట్రంలోనూ ఆ భాగ్యం కలిగించండి.. మమతా బెనర్జీని ఫాలో అవ్వండి’ అని అడిగేశాడు. దీనికి మంత్రి కేటీఆర్ సరదాగా స్పందించారు. ‘రామూ గారు.. మీరంటున్నది హెయిర్ కట్ గురించే అడుగుతున్నారు కదా’ అంటూ చమత్కరించారు. దీనికి వర్మ కూడా ఆ తర్వత రిప్లై ఇచ్చాడు. మీరిచ్చిన పంచ్‌తో నా ముక్కు ఎర్రగా అయ్యిందంటూ వర్మ ట్వీట్ చేశాడు.

from https://ift.tt/34Exif5