కరోనా వైరస్ పై పోరాడాలంటూ మెగా ఫ్యామిలీ మెసేజ్ ఇచ్చిన విషయం తెలిసిందే. 'స్టేహోం, ఇంట్లో ఉంటాం, యుద్ధం చేస్తాం, క్రిమిని కాదు ప్రేమను పంచుతాం.. కాలు కదపకుండా కరోనాని తరిమేస్తాం.. భారతీయులం ఒక్కటై భారత్ని గెలిపిస్తాం.. స్టే సేఫ్' అని మెగా కుటుంబంలోని వారంతా కలిసి సందేశం ఇచ్చారు. అయితే ఇందులో మెగా ఫ్యామిలీకి సంబంధించిన సినిమాల్లో నటిస్తున్న హీరోలంతా ఉన్నారు. కానీ ఆ ఇద్దరు మాత్రం ఇందులో కనిపించలేదు. అందులో పవర్ స్టార్ పవన్ కల్యాణ్ ఒకరు, మరొకరు స్టైలిష్ స్టార్ . దీంతో ఇప్పుడు అంతా ఈ ఇద్దరిపై చర్చించుకుంటున్నారు. పవన్ కల్యాణ్ లేకపోవడంతో ఆయన అభిమానులు పవన్ ఎక్కడా అని కామెంట్లు చేస్తున్నారు. ఇటీవల కొడుకు అకిరా నందన్ బర్త్ డే సందర్భంగా కూడా పవన్ ఎక్కడ విషెస్ చెప్పినట్లు వార్తలు రాలేదు. సోషల్ మీడియా వేదికగా కూడా పవన్ ఒక్క మెసేజ్ కూడా చేయలేదు. అయితే చిరు ట్వీట్లకు మాత్రం పవన్ అప్పుడప్పుడు స్పందిస్తూ ఉన్నాడు. హనుమాన్ జయంతి సందర్భంగా చిరు చేసిన ట్వీట్ను రీ ట్వీట్ చేస్తూ... పవన్ కొన్ని కామెంట్లు చేశాడు. మరోవైపు బన్నీ కూడా ఈ ఫ్యామిలీ మెసేజ్లో ఎక్కడా కనిపించలేదు. బన్నీ తండ్రి అల్లు అరవింద్, తమ్ముడు అల్లు శిరీష్ కనిపించినప్పటికీ ... అల్లు అర్జున్ మాత్రం దర్శనం ఈయలేదు. ఇటీవలే బన్నీ బర్త్ డే కు మెగాస్టార్తో పాటు, రామ్ చరణ్, వరుణ్ తేజ్ విషెస్ చెప్పారు. ఇప్పుడు ఫ్యామీలీ పిక్లో మాత్రం బన్నీ ఎక్కడా కనిపించలేదు. మెగా ఫ్యామిలీతో పాటు అల్లు అరవింద్ ఫ్యామిలీ కూడా కనిపించింది. ప్లకార్డులు ప్రదర్శించిన వారిలో.... చిరంజీవి, అల్లు అరవింద్ , నాగబాబు, వరుణ్ తేజ్, రామ్ చరణ్, ఉపాసన, సుస్మిత, అల్లు శిరీష్, నిహారిక, సాయిధరమ్ తేజ్ , వైష్ణవ తేజ్, చిరంజీవి చిన్నకూతురు శ్రీజ, అల్లుడు కల్యాణ్ కూడా ఉన్నారు. ఈ ఫోటోల్ని కూడా ఎవరింట్లో వాళ్లు ఉంటూ షూట్ చేసి పోస్టు చేశారు. ఈ విషయాన్ని మెగాస్టార్ చిరంజీవి ట్వీట్ చేశారు. మనమంతా కలిసికట్టుగా ఈ యుద్ధాన్ని గెలుద్దాం. ‘మనం ఎక్కడ ఉన్నామో అక్కడే ఉందాం. మనతో పాటు... మన ప్రియమైనవారిని, ఈ ప్రపంచాన్ని రక్షిద్దాం’ అని చిరు తన ట్వీట్లో పేర్కొన్నారు. వీళ్లంతా ఓకే మరి బన్నీ, పవర్ స్టార్ ఎక్కడా అంటూ ఇప్పుడు మెగా అభిమానులు ప్రశ్నిస్తున్నారు.
from https://ift.tt/2VbG80J
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment