సినీ కార్మికులకు రాజమౌళి సాయం

ప్రముఖ దర్శకుడు రాజమౌళి కరోన వ్యాప్తి చెందుతున్న వేళ పేద సినీ కార్మికులకు అండగా నిలిచారు. దీంతో సినీ తారలంతా కార్మికులకు అండగా నిలిచారు. మెగాస్టార్ నుంచి సూపర్ స్టార్ వరకు తారలంతా పెద్ద ఎత్తున విరాళాలు ప్రకటిస్తున్నారు. తాజాగా జక్కన్న కూడా నేను సైతం అంటూ ప్రకటించారు. ప్రస్తుతం లాక్‌డౌన్ కారణంగా ఉపాధి లేని సినీ కార్మికులకి తన వంతు సాయం చేసేందుకు రాజమౌళి తన వంతు సాయం చేశారు. ప్రస్తుతం ఆయన చేస్తున్న సినిమా నిర్మాణ సంస్థ డివివి ఎంటర్‌టైన్మెంట్స్‌తో కలిసి ఆర్థిక సాయం అందించాడు. సినిమా కార్మికుల కోసం ఏర్పాటు చేసిన CCCకి 10 లక్షల విరాళం ప్రకటించాడు. రాజమౌళి ఇప్పటికే భారీగా మాస్కులతో పాటు ప్రొటెక్టర్స్ అందించారు. ఇప్పుడు ప్రకటించిన విరాళాన్ని కూడా త్వరలోనే ఈ మొత్తాన్ని ఛారిటీకి అందించనున్నారు. కరోనా వైరస్ వ్యాప్తి వల్ల నష్టపోతున్న ప్రజలను, బాధితులను ఆదుకోడానికి తమ వంతు సాయంగా ప్రభాస్ 4 కోట్లు.. పవన్ 2 కోట్లు.. అల్లు అర్జున్ కోటి 25 లక్షలు.. మహేష్ బాబు, చిరంజీవి, నాగార్జున కోటి రూపాయలు.. రామ్ చరణ్, జూనియర్ ఎన్టీఆర్ 75 లక్షలు విరాళంగా అందించారు. బాహుబలి సినిమాతో ప్రపంచ దృష్టిని ఆకర్షించిన రాజమౌళి ఇప్పుడు మళ్లీ అదే రేంజ్‌లో ఆర్ఆర్ఆర్ అనే సినిమా చేస్తున్నాడు. లాక్‌డౌన్ కారణంగా చిత్ర షూటింగ్ వాయిదా పడింది. లాక్ డౌన్ తర్వాత ఈ సినిమా రెగ్యులర్ షూటింగ్ జరుపుకోనుంది. ఇప్పటికే ఈ సినిమాకు సంబంధించిన మోషన్ పోస్టర్‌ను ఉగాది రోజు విడుదల చేశారు రాజమౌళి. ఈ సినిమాలో మెగా పవర్ స్టార్ రామ్ చరణ్, జూనియర్ ఎన్టీఆర్ నటిస్తున్న విషయం తెలిసిందే. బాలీవుడ్ ప్రముఖ హీరో అజయ్ దేవగణ్ కీలక పాత్ర చేస్తున్నట్లు సమాచారం. అలియా భట్ కూడా ఇందులో ఓ హీరోయిన్‌గా నటిస్తున్నారు.

from https://ift.tt/2UZF3cf