ప్రపంచ వ్యాప్తంగా కరోనా వైరస్ విజృంభిస్తోన్న ఈ క్లిష్ట పరిస్థితుల్లో దానికి ప్రభావం తెలుగు ప్రజలపై ఎక్కువగా పడకుండా ఉందంటే దానికి కారణం పోలీసు శాఖ అని సెన్సేషనల్ హీరో విజయ్ దేవరకొండ అన్నారు. పోలీసులు పకడ్బంధీగా లాక్డౌన్ను అమలు చేయడం వల్లే కరోనా మహమ్మారి త్వరగా వ్యాప్తి చెందలేదని వెల్లడించారు. అలాగే.. కేంద్ర, రాష్ట్ర ప్రభుత్వాలు సరైన సమయంలో స్పందించి లాక్డౌన్ విధించడం వల్ల ఈరోజు దేశంలో కేసులు ఎక్కువగా లేవని ఆయన చెప్పారు. కరోనాను నిర్మూలించడంలో భాగంగా లాక్డౌన్ను పకడ్బంధీగా అమలు చేయడానికి రోడ్లపై రాత్రింబవళ్లు విధులు నిర్వర్తిస్తోన్న పోలీసులకు ఫేస్ ప్రొటెక్షన్ షీల్డ్లను డాక్టర్స్ అసోసియేషన్ అందజేసింది. ఈ షీల్డ్లను విజయ్ దేవరకొండ ఆవిష్కరించారు. ఈ సందర్భంగా విజయ్ మాట్లాడుతూ.. ‘‘మనస్ఫూర్తిగా తెలంగాణ పోలీసులకు కృతజ్ఞతలు తెలియజేస్తున్నాను. 24 గంటలు పోలీసులు మనకోసం పని చేస్తున్నారు. ఇంత స్ట్రిక్ట్గా లాక్డౌన్ను అమలు చేసిన దేశం బహుశా ఇండియానే. నేను ఇంటి నుంచి బయటికి వచ్చి ఇంత మంది మనుషులను చూసి ఇంచుమించుగా 20 రోజులు అవుతోంది. ఇంత త్వరగా ఈ లాక్డౌన్ నిర్ణయం తీసుకున్నారు కాబట్టి మన దేశంలో 7వేల నుంచి 7500 కేసులు మాత్రమే నమోదయ్యాయి. ఈ లాక్డౌన్ను మన పోలీస్ ఫోర్స్ ఇంత పకడ్బంధీగా అమలు చేయకపోయినా, మన ప్రభుత్వాలు త్వరతగతిన నిర్ణయాలు తీసుకోకపోయినా పరిస్థితి చాలా ఘోరంగా ఉండేది. మనం మన తరఫున వీళ్లందరికీ సహాయం చేయాలి. మన జనాభాతో పోలిస్తే మనకున్న పోలీసు యంత్రాంగం, డాక్టర్లు చాలా తక్కువ. మనం వాళ్లకు భారం కాకూడదు. మనం ఎంత ఎక్కువగా ఇంట్లో ఉంటే అంత భద్రత. మనం ఎంత ఎక్కువగా రోడ్లపైకి రాకుండా ఉంటే మన పోలీసు యంత్రాంగానికి, వైద్యులకు వాళ్ల పని అంత సులభం అవుతుంది. కోట్లాది మంది ఇంట్లోనే ఉంటూ ప్రభుత్వానికి, పోలీసులకు సహకరిస్తున్నారని నాకు తెలుసు. వాళ్లందరికీ నా కృతజ్ఞతలు. కానీ, ఇప్పటికీ కొంత మంది టైమ్ పాస్కి రోడ్ల మీది తిరుగుతున్నారు. దయచేసి అలా చేయొద్దు’’ అని అన్నారు.
from https://ift.tt/2xlyZBS
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment