సీఎం కేసీఆర్‌పై బండ్ల గణేష్ కామెంట్స్.. భరిస్తాం సార్ మీరున్నారనే భరోసా అంటూ!

తెలంగాణ రాష్ట్ర‌ ముఖ్యమంత్రి కేసీఆర్‌ని పొగుడుతూ, ఆయన తీసుకున్న నిర్ణయాలను స్వాగతిస్తూ టాలీవుడ్ నటుడు, నిర్మాత వరుస ట్వీట్స్ చేశారు. తనకేదనిపిస్తే అది నిర్మొహమాటంగా వెలిబుచ్చే బండ్ల గణేష్.. సీఎం కేసీఆర్‌పై ప్రశంసల వర్షం కురిపించడం హాట్ టాపిక్ అవుతోంది. కరోనా వ్యాప్తిని అరికట్టడంలో భాగంగా ఇప్పటికే ఏప్రిల్ 15 దాకా ఉన్న లాక్‌డౌన్‌ని పొడిగిస్తూ కేసీఆర్ ప్రకటన చేసిన వెంటనే బండ్ల గణేష్ రంగంలోకి దిగి వరుస కామెంట్స్ చేశారు. దేశంలో విలయతాండవం చేస్తున్న కరోనా మహమ్మారిని అరికట్టడంలో భాగంగా ఇప్పటికే దేశవ్యాప్త లాక్‌డౌన్ కొనసాగుతున్న సంగతి తెలిసిందే. అయితే కరోనా కొత్త కేసులు ఇంకా తగ్గుముఖం పెట్టకపోవడంతో నిన్న (శనివారం) తెలంగాణ రాష్ట్ర మంత్రివర్గం సమావేశం అనంతరం, ఈ లాక్‌డౌన్ పీరియడ్‌ను తెలంగాణ రాష్ట్రంలో ఏప్రిల్ 30 దాకా అమలు చేసాయబోతున్నామని అఫీషియల్ ప్రకటన చేశారు కేసీఆర్. ఈ మేరకు ప్రజలందరూ సహకరించాలని కోరుతూ కరోనా తాలూకు కేసుల విషయాలను మీడియా ముందు వెల్లడించారు. సీఎం కేసీఆర్ చేసిన ఈ ప్రకటన చూడగానే ముందుగా.. ''మా క్షేమం కోసం సమాజం కోసం మా పిల్లల కోసం మా భవిష్యత్తు కోసం మీరు తీసుకునే నిర్ణయాల్లో సరిలేరు నీకెవ్వరు గౌరవనీయులైన ముఖ్యమంత్రి కేసీఆర్ గారు'' అని ట్వీట్ చేసిన బండ్ల గణేష్ ఆ తర్వాత వరుస ట్వీట్స్ పెట్టి కేసీఆర్ తీసుకుంటున్న నిర్ణయాలకు మద్దతు తెలిపారు. ''నాలుగు రోజులు కాదు.. సార్ మీద నమ్మకంతో మీరు ఉన్నారు అన్న భరోసాతో 40 రోజులు అయినా ఓపికతో ఇళ్లకే పరిమితం అవుతూ విజయం సాధిస్తాం. జై కేసీఆర్'' అని పేర్కొన్నారు. అంతటితో ఆగక ఆ వెంటనే బండ్ల గణేష్ చేసిన వరుస ట్వీట్స్ ఉన్నవి ఉన్నట్లుగా చూస్తే.. ''మీరు చేసే కార్యక్రమాలు మీరు తీసుకునే నిర్ణయాలు అన్ని భగవంతునితో జయప్రదం కావాలని తెలంగాణ ప్రజలకు కేసీఆర్ ప్రేమ కావాలని మనస్ఫూర్తిగా కోరుకుంటూ ఈ బండ్ల గణేష్''. ''ఈ కఠోరమైన సమయంలో రాజకీయాలను పక్కన పెట్టి కెసిఆర్ నాయకత్వంలో పని చేసి తెలంగాణ ప్రజలకు బంగారు భవిష్యత్ ఇవ్వాలని అందర్నీ వేడుకుంటూ మీ బండ్ల గణేష్''. ''భారతదేశ చరిత్రలో ఇటువంటి సమయాల్లో ఏ ముఖ్యమంత్రి లేని విధంగా ప్రజలకు అందుబాటులో ఉన్న మీకు మా హృదయపూర్వక ధన్యవాదాలు''. ''ఎన్ని కష్టాలైనా భరిస్తాం ఎన్ని రోజులు అయినా ఎదురు చూస్తాం మాకు మీరు ఉన్నారని భరోసా మీరు ఉన్నారనే ధైర్యం మీరు రక్షిస్తారు నమ్మకం జై కేసీఆర్''. ప్రస్తుతం బండ్ల గణేష్ చేసిన ఈ ట్వీట్స్ నెట్టింట వైరల్ అవుతున్నాయి.

from https://ift.tt/39YRidj