మంచు మనోజ్‌కి కరోనా పాజిటివ్.. స్వయంగా వెల్లడించిన హీరో

గత రెండేళ్లుగా సినీ ఇండస్ట్రీని కరోనా భయం వెంటాడుతూనే ఉంది. వరుసపెట్టి సినీ ప్రముఖులు కరోనా బారిన పడుతుండటం ఆందోళన కలిగిస్తోంది. అయితే కరోనా ఫస్ట్ వేవ్, సెకండ్ వేవ్ తర్వాత కొన్ని నెలల పాటు కరోనా కేసులు నమోదు కాకున్నా అంతలోనే తిరిగి ఒక్కసారిగా కేసులు పెరుగుతుండటం మరోసారి గుబులు పుట్టిస్తోంది. కరోనా సెకండ్ వేవ్ ముగిసిందనుకునే లోపే ఒమిక్రాన్ రూపంలో మరో వేరియంట్ పలు దేశాలను వణికిస్తోంది. రీసెంట్‌గా కమల్ హాసన్, బాలీవుడ్ బ్యూటీ కరీనా కపూర్, యాక్షన్ కింగ్ అర్జున్ కరోనా బారిన పడి చికిత్స తీసుకోగా తాజాగా తనకు కరోనా సోకిందంటూ మంచు మనోజ్ ట్వీట్ చేశారు. ''నాకు క‌రోనా పాజిటివ్ అని తేలింది. ఇటీవ‌ల న‌న్ను క‌లిసిన ప్రతి ఒక్కరు వెంట‌నే క‌రోనా ప‌రీక్ష‌లు చేయించుకోవాల‌ని కోరుతున్నా. ప్రతి ఒక్కరూ కరోనా పట్ల జాగ్రత్తగా వ్యవహరించాలి. ప్రస్తుతం నేను బాగానే ఉన్నా. డోంట్ వర్రీ.. మీ అందరి ప్రేమతో ఆరోగ్యంగా తిరిగివస్తా. వైద్యులు, న‌ర్సులంద‌రికీ నేను ప్రత్యేకంగా కృత‌జ్ఞ‌త‌లు చెబుతున్నాను'' అని మంచు మ‌నోజ్ తన ట్వీట్‌లో పేర్కొన్నారు. దీంతో మనోజ్ త్వరగా కోలుకోవాలని కోరుకుంటూ నెటిజన్లు కామెంట్స్ చేస్తున్నారు. మంచు వారసుడిగా సినీ ఎంట్రీ ఇచ్చి పలు సినిమాలతో ఆకట్టుకున్న మంచు మనోజ్.. తన భార్య ప్రణతితో విడాకులు తీసుకున్న అనంతరం పర్సనల్‌గా, ప్రొఫెషనల్‌గా ప్రేక్షకులకు దూరంగా ఉంటున్నారు. ఈ క్రమంలో మనోజ్ రెండో పెళ్లి చేసుకోనున్నాడని, ఓ ఫారెన్ అమ్మాయితో లవ్‌‌లో ఉన్నాడని పెద్ద ఎత్తున రూమర్స్ రావడంతో ఆయన రియాక్ట్ అవుతూ అట్టి వార్తలను కొట్టిపారేశారు.

from https://ift.tt/3z562pn