దేవుడు నాకు ఇంత అందం, టాలెంట్‌ని ఇవ్వకుండా ఉండాల్సింది: సింగర్ సునీత

భూదేవి ఉన్నంత సహనం తనలో ఉందని అన్నారు .. ఎవరు ఎన్ని విధాలుగా విమర్శించినా చిరునవ్వే సమాధానం అని అన్నారు సింగర్ సునీత. ప్రముఖ ఛానల్‌కి ఇచ్చిన ఇంటర్వ్యూలో సునీత మాట్లాడుతూ తన పర్సనల్ విషయాలపై ఓపెన్ కామెంట్స్ చేశారు. సెలబ్రిటీ అంటే ఇండియాలో చాలామంది పబ్లిక్ ప్రాపర్టీలా ఫీల్ అవుతారు. వెనక్కి తిరిగి ఇవ్వదు అని తెలిస్తే.. ఎక్కువగా కామెంట్ చేయడం ఇండియాలో ఉన్న అలవాటు. ఒకవేళ వెనక్కితిరిగి ఇచ్చేస్తే ఇంకా ఎక్కువ కామెంట్ చేస్తారు. నేను నన్ను ఎవరైనా కామెంట్స్ చేస్తున్నారా? అని ఆలోచించి సమయాన్ని వేస్ట్ చేయదల్చుకోలేదు. అందుకే నేను ఇంత కూల్‌గా ఉన్నాను. వాళ్లు నన్నే ఎందుకు కామెంట్స్ చేస్తున్నారని ఆలోచించడం లేదు. ఎందుకంటే.. నాలో కొన్ని కాంబినేషన్స్‌ని నాకు అలా సెట్ చేసి పారేశాడు. దేవుడు నాకు మంచి గొంతు ఇచ్చాడు.. అక్కడితే ఆపేసి ఉండాల్సింది. కొంచెం అందం ఇచ్చాడు.. కనీసం అక్కడితోనైనా ఆపేయాల్సింది. కొన్ని ఫీల్డ్స్‌లోకి వెళ్లి నన్ను నేను నిరూపించుకునే అవకాశం అయినా ఇవ్వకుండా ఉండాల్సింది. కనీసం సక్సెస్ అయినా రాకుండా చేయాల్సింది. ఒకవ్యక్తి ఎవరైనా సరే.. ఇన్నిరకాలు పనులు చేస్తూ ఫ్యామిలీని చూసుకుంటూ వెళ్లడం సాధ్యం కాదు. పీపుల్స్ మైండ్ సెట్ ఎలా ఉంటుంది అంటే.. మన పరిధి ఇంతే అంతకు మించి వెళ్లకూడదనే సొసైటీలో బతుకుతున్నాం. నేను ఒక మహిళగా స్ట్రాంగ్ ఉండగలగడాన్ని ఎవరూ యాక్సెప్ట్ చేయలేకపోతున్నారు. మగ ఆడ అన్న విషయాన్ని పక్కనపెడితే.. నన్ను చూసి ఆడవాళ్లు కూడా తట్టుకోలేకపోతున్నారు. ఇలాంటి సందర్భంలో నవ్వుతూ ముందుకు వెళ్లిపోతున్నా. ఎవర్నీ తక్కువ అంచనా వేయకూడదు.. ప్రతిదానికి ఒక లిమిట్స్ ఉంటుంది.. నా మీద రకరకాలుగా రాశారు.. చాలా పేర్లు పెట్టారు.. నాకు అప్పుడొప్పుడో రెండో పెళ్లి చేసేశారు.. చేస్తూనే ఉన్నారు. నా పర్సనల్ స్పేస్‌లో నేను మాట్లాడాలి అనుకునే పరిస్థితులు వచ్చాయి. నన్ను రకరకాల మనుషులతో లింక్ చేసి రాశారు. ఆ పేర్లు నేను కూడా విన్నాను. నా పర్సనల్ లైఫ్.. నా కిడ్స్ కెరియర్ నాశనం అయ్యే పరిస్థితులు రావడంతో నేను నా పర్సనల్ లైఫ్‌ గురించి మట్లాడాల్సి వచ్చింది. అది కూడా రకరకాల హెడ్ లైన్స్‌తో రాశారు. వీటన్నింటినీ భరించాల్సివస్తుంది. పాపులారిటీతో పాటు ఇలాంటి వాటిని కూడా భరించాల్సిందే. పొగుడేవాళ్లు పొగుడుతారు.. తిట్టేవాళ్లు తిడతారు.. ఈ రెండింటికి లొంగనప్పుడు హాయిగా ప్రయాణం చేయొచ్చు’ అని అన్నారు సింగర్ సునీత.

from https://ift.tt/3Anfx2w