రియల్ జాతిరత్నం నవీన్ పోలిశెట్టి.. నిరుద్యోగి జీవితంలో మరవలేని పనిచేసిన యువ హీరో!!

సినిమాలో జాతిరత్నం . ఈ విషయాన్ని అందరూ గుర్తించడంతో యాక్టింగ్ పరంగా జాతిరత్నం అని అంగీకరించారు కూడా. అయితే ఇప్పుడు నిజ జీవితంలోనూ ఈ యువ హీరో జాతిరత్నం అనిపించుకునే పనిచేయడం విశేషం. కరోనా మహమ్మారి కారణంగా ఎంతోమంది ఎన్నో రకాలుగా ఆర్ధిక ఇబ్బందులు ఎదుర్కొంటున్నారు. చదువుకొని టాలెంట్ ఉన్న కొందరు ఉద్యోగాలు కోల్పోయి రోడ్డున పడ్డారు. ఎవరికి చెప్పుకోవాలో, ఎలా బ్రతకాలో తెలియని పరిస్థితుల్లో బిక్కుబిక్కుమంటూ కాలం వెళ్లదీస్తున్నారు. అలాంటి ఓ యువకుడికి అండగా నిలిచాడు మన జాతిరత్నం. కరోనా సమయంలో సెలెబ్రిటీలంతా ఎవరికి తోచిన విధంగా వారు సాయం చేస్తుంటే.. తనకు వీలైనంతగా హెల్ప్ చేస్తూ వస్తున్నాడు నవీన్ పోలిశెట్టి. బాధితులతో వీడియో కాల్స్‌లో మాట్లాడి వాళ్లకు ధైర్యం చెబుతూ, తనను సంప్రదిస్తున్న వారికి సాయం అందిస్తున్నాడు. తాజాగా ఉద్యోగం కోల్పోయిన సమీర్ అనే వ్యక్తికి ఒకే ఒక్క ట్వీట్‌తో తిరిగి ఉద్యోగం ఇప్పించాడు నవీన్ పోలిశెట్టి. చరణ్, సౌమ్య అనే ఇద్దరు నెటిజన్లు సమీర్ అనే వ్యక్తి కరోనా కారణంగా ఉద్యోగం కోల్పోయి కష్టాల్లో ఉన్నాడని, దయచేసి ఎవరైనా సాయం చేయండంటూ ట్విట్టర్ వేదికగా అభ్యర్థించారు. ఈ ట్వీట్ నవీన్ పోలిశెట్టి దృష్టికి రావడంతో సదరు వ్యక్తి వివరాలను పేర్కొంటూ హైదరాబాద్‌లో ఎక్కడైనా ఉద్యోగం ఉంటే చెప్పండి, అతనికి సాయం చేయండి అంటూ తన ట్విట్టర్ ఖాతాలో పోస్ట్ పెడుతూ ఆ వ్యక్తి ఫోన్ నెంబర్ కూడా ఇచ్చాడు. దీంతో నవీన్ పోలిశెట్టి చేసిన ఈ ట్వీట్‌కు స్పందించిన ఎవోక్ అనే సంస్థ.. ఆ నిరుద్యోగికి సహాయం చేస్తూ ఉద్యోగం ఇచ్చింది. ఈ కంపెనీ ఇచ్చిన ఆఫర్ లెటర్ చూసి ఎంతో ఆనందపడ్డ ఆ యువకుడు వెంటనే నవీన్ పోలిశెట్టికి ధన్యవాదాలు తెలుపుతూ.. మీ వల్లే ఈ ఉద్యోగం లభించిందని పేర్కొన్నాడు. యువకుడు పోస్ట్ చేసిన ఆ ఆఫర్ లెటర్‌ని తిరిగి తన ట్విట్టర్‌లో పోస్ట్ చేసిన ఈ హీరో, త్వరలో ఆ కేఫ్‌కి ఈ యువకుడిని కలుస్తా.. కరోనా కారణంగా నిరుద్యోగులుగా మారిన వారికి ఉద్యోగాలు ఇప్పించేలా చూద్దాం. మీ వంతుగా సాయపడండి అని పేర్కొన్నారు. దీంతో నవీన్ పోలిశెట్టికి నెటిజన్ల నుంచి ప్రశంసలు దక్కుతున్నాయి.

from https://ift.tt/3jipBmp