ఓ స్టార్ హీరో పుట్టిన రోజు వస్తుందంటే చాలు ఆయన ఫ్యాన్స్ చేసే హంగామా అంతా ఇంతా ఉండదు. భారీ కటౌట్స్ ఏర్పాటు చేయడం, కిలోల కొద్ది కేక్స్ రెడీ చేయించి అందరి సమక్షంలో కట్ చేయడం లాంటివి చేస్తుంటాయి అభిమాన వర్గాలు. ఇక సోషల్ మీడియాలో బర్త్ డే డీపీలతో చేసే రచ్చ అయితే ఓ రేంజ్‌లో ఉంటుంది. ప్రతి ఏడాది ఇంచుమించుగా ఇలాగే చేస్తుంటారు ఫ్యాన్స్. అయితే ఈ సారి మాత్రం తన పుట్టిన రోజున భావితరాలకు ఉపయోగపడే ఓ పని చేయండంటూ సోషల్ మీడియా వేదికగా అభిమానులను రిక్వెస్ట్ చేశారు సూపర్ స్టార్ . సూపర్ స్టార్ వారసుడిగా చిన్నతనంలోనే సినీ గడపతొక్కిన మహేష్.. రాజకుమారుడిగా హీరో అవతారమెత్తారు. అప్పటినుంచి వెనుతిరిగి చూడకుండా శ్రీమంతుడిగా ప్రేక్షకుల గుండెల్లో గూడు కట్టుకున్నారు. ప్రస్తుతం భారీ ఫాలోయింగ్ ఉన్న హీరోగా, టాలీవుడ్ టాప్ స్టార్స్‌లో ఒకరిగా వెలుగొందుతున్నారు. అయితే మరో మూడు రోజుల్లో (ఆగస్టు 9) మహేష్ పుట్టినరోజు వస్తుండటంతో తన అభిమానులను మొక్కలు నాటాలంటూ ఆయన విజ్ఞప్తి చేశారు. మహేష్ బర్త్ డే సమీపిస్తుండటంతో ఇప్పటికే సోషల్ మీడియాలో హంగామా షురూ అయింది. ఈ క్రమంలోనే తన పుట్టిన రోజున ఫ్యాన్స్ అందరూ ఓ బృహత్తర కార్యం చేపట్టాలని ఆయన సందేశమిచ్చారు. ప్రతి ఒక్కరు మూడు మొక్కలు నాటాలని ఇన్స్టాగ్రామ్ ద్వారా తన అభిమానులను కోరారు మహేష్ బాబు. ''నాపై ఉన్న ప్రేమ, అభిమానులతో మీరు చేసే పనులు నన్నింకా ప్రేరేపిస్తున్నాయి. అయితే ఈ సంవత్సరం ఇంకా ప్రత్యేకంగా నా బర్త్ డే వేడుక జరగాలని కోరుకుంటున్నా. #GreenIndiaChallengeకి మద్ధతుగా నా పుట్టిన రోజున ప్రతి ఒక్కరు మూడు మొక్కలు నాటి, ఆ ఫొటోలను సోషల్ మీడియాలో షేర్ చేస్తూ నన్ను ట్యాగ్ చేయండి. అప్పుడే నేను కూడా చూస్తా'' అని పేర్కొన్నారు మహేష్ బాబు. దీనిపై ఆయన అభిమానులు పెద్ద ఎత్తున రియాక్ట్ అవుతూ మహేష్‌ది గొప్ప మనసు అంటూ తెగ పొగుడుతున్నారు.
from https://ift.tt/2WWll4x
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment