బాలయ్య కారుపై తాగుబోతు రాళ్లదాడి.. గాయాలతో కారు దిగిన బాలయ్య ఏం చేశారో తెలిస్తే షాకే!! దటీజ్ లయన్

తెరముందు ఒకలా.. తెరవెనుక ఒకలా ఉండరు బాలయ్య. ఏదైనా ఫేస్ టు ఫేస్.. నచ్చారంటే ప్రాణం ఇస్తారు.. చిరాకు తెప్పిస్తే మాత్రం దబిడిదిబిడే.. ఎనీ సెంటర్ ఎనీ హ్యాండ్ బాబుకి తిక్కరేగిందంటే చెంపలు వాచిపోవాల్సిందే. చివరికి అభిమాని అయినా సరే మోత మామూలుగా ఉండదు. అలాంటిది ఒక తాగుబోతు బాలయ్య ప్రయాణిస్తున్న కారుకి అడ్డంగా వచ్చి.. పెద్ద రాయి తీసుకుని అద్దాన్ని ఫట్ మని కొడితే బాలయ్య ఊరుకుంటారా?? ఆయన్ని ట్రోల్ చేసేవాళ్లు.. నెగిటివ్‌గా మాట్లాడుకునేవాళ్లైతే ఖచ్చితంగా రెండు పీకే ఉంటాడులే అనే అనుకుంటారు. కానీ అక్కడ జరిగిన సీన్ వేరు.. బాలయ్యలో ఈ కోణం కూడా ఉందా? అనిపించేలే రియల్ ఇన్సిడెంట్‌ను షేర్ చేసుకున్నారు నటుడు . ‘లెజెండ్ విజయయాత్రకి మేమంతా బస్‌లో ఊర్లు తిరుగుతున్నాం. ఊరు పేరు నాకు గుర్తు లేదు కానీ.. ఇన్సిడెంట్ జరిగిన ప్రాంతంలో థియేటర్ లేదు కానీ.. పక్క ఊరిలో లెజెండ్ సినిమా ఆడుతుంది.. ఆ థియేటర్‌కి మేమంతా బస్‌లో వెళ్తున్నాం.. కాకపోతే ఈ ఊరు వెళ్లాలంటే ఈ ఊరు మీదుగానే వెళ్లాలి. అయితే తమ ఊరి మీదుగా బస్ వెళ్తుందని తెలుసుకున్న కొంతమంది అభిమానులు బస్ ఆపారు. అయితే ఆ అభిమానుల మధ్యలో నుంచి ఒక వ్యక్తి పెద్ద రాయి తీసుకుని వచ్చి బస్ ఫ్రెంట్ అద్దంపై వేసేశాడు. బస్ అద్దం మొత్తం పగిలిపోయింది. అయితే ఆ అద్దానికి వెనుకనే బస్‌లో నిలబడి ఉన్నారు మన లయన్ బాలయ్య బాబు. ఆయన వెనుకనే బోయపాటి గారు కూడా ఉన్నారు. అద్దం పగిలిపోవడంతో వీళ్లిద్దరికీ చిన్న చిన్న గ్లాస్ పీసెస్ కూడా తగిలి గాయాలయ్యాయి. ఒక్కసారిగా బస్ అద్దం పగిలేసరికి మాకు కంగారు వచ్చేసింది. అయితే ముందు నిలబడి ఉన్న బాలయ్య మాత్రం ఒక్క ఇంచు కూడా కదల్లేదు. ముందు సీట్లో ఉన్న డ్రైవర్ ఆ దెబ్బకి బస్ దిగి బయటకు పారిపోయాడు కానీ.. బాలయ్య మాత్రం ఒక్క అడుగు కూడా కదపలేదు. అయితే ఎవడైతే రాయి విసిరాడో ఆ వ్యక్తి బాగా తాగి ఉన్నాడు. అతన్ని చాలామంది కొడుతున్నారు.. పోలీసులు అతన్ని అదుపులోకి తీసుకుని తగిలిస్తున్నారు. ఇంతలో బాలయ్య గారు.. ఆ పగిలిపోయిన అద్దం పెంకులపై కాలు పెట్టి.. ‘ఏయ్ వాడ్ని వదిలేయండి.. ఏమీ అనొద్దు.. పాపం వాడు తాగి ఉన్నాడు’ అనడంతో మేమంతా షాక్ అయ్యాం. అదీ ఆయన వ్యక్తిత్తం. అంత పెద్ద గొడవ జరిగిన తరువాత చాలామంది జనం మమ్మల్ని వెంబడించడంతో బస్సు ముందుకు వెళ్లలేని పరిస్థితి.. బౌన్సర్లు ఉన్నా సరే.. వేలాది మంది జనం ఉన్నారు. ఇలాంటి టైంలో ఆ థియేటర్‌కి ఎలా వెళ్తారు బాబుగారూ అని నేను అడిగా. చూస్తావా?? నేను ఎలా వెళ్తానో అని డోర్ తీసి నన్ను టపక్ మని బయటకు తోసేశారు. నేను జనంలోకి వెళ్లిపోయా.. కుమ్మేశారు నన్ను. థియేటర్ దగ్గరకు వెళ్లడానికి నన్ను పసికి పిసికి పారేశారు. నాకే ఇలా ఉంటే.. ఆయన పరిస్థితి ఏంటి అని వెనక్కి తిరిగా.. ఆయన అలా బస్‌లో నుంచి అడుగు బయటపెట్టారు. జనాలు సముద్రం రెండు పాయలుగా విడిపోయినట్టుగా విడిపోయి బాలయ్యకి దారి ఇచ్చేశారు. ఆయన జనానికి చేయి ఊపుతూ హ్యాపీగా నడుచుకుంటూ వచ్చేశారు. ఒక్కరు కూడా ఆయన దరిదాపుల్లోకి రాలేదు. బౌన్సర్ల అవసరం కూడా రాలేదు. నేను నా కళ్లతో చూసిన విషయం ఇది.. ఆ సీన్ చూసి ఓరి దేవుడా అనుకున్నా’ అంటూ ఆసక్తికరమైన విషయాన్ని తెలియజేశారు నటుడు సమీర్.

from https://ift.tt/3zTk2Bv