చిత్రంలోని ఈ సూపర్ ఉమెన్ భలే పాపులర్ అవుతుంది. ఈ సూపర్ ఉమెన్ అసలు పేరు సరళాదేవి అలియాస్ లిరీష. ఆమె చేసింది చిన్న పాత్రే అయినా.. ‘వకీల్ సాబ్’ కోర్టులో కేసు గెలవడానికి ఈ సూపర్ ఉమెన్ కారణం. ఆమె పెట్టిన తప్పుడు కేసుని వకీల్ సాబ్ వాదించే తీరు ఫుల్ ఫన్గా అనిపిస్తుంది. ముఖ్యంగా వకీల్ సాబ్.. ఆమెను కోర్టు బోనులో నిలబెట్టి.. సూపర్ర్ర్ర్ ఉమెన్ అని నొక్కి పలకడం భలే తమత్కారంగా అనిపిస్తుంది. అల్వాల్లో ఉన్న ఫంక్షన్ హాల్ నుంచి మెయినాబాద్ పోలీస్ స్టేషన్కి 15 నిమిషాల్లో వచ్చేశావమ్మా.. అని వకీల్ సాబ్ అన్నప్పుడు.. ‘సార్ అంత పెద్ద సంఘటన జరిగింది కదా.. ఏదైతే అది అయ్యిందని జెట్ స్పీట్తో వచ్చేసినా సార్’ అని ఆమె చెప్పడం... వకీల్ సాబ్ వహ్ అని వెటకారంగా అనడం థియేటర్లో ఫన్ జనరేట్ అయ్యింది. కాగా వకీల్ సాబ్ చిత్రంలో మహిళా ఎస్ఐగా నటించిన ఆ సూపర్ ఉమెన్ ఈ సినిమా సక్సెస్ కావడంతో ఫుల్ ఖుషీలో ఉంది. ఈ సందర్భంగా చిత్ర అనుభవాలను పంచుకుంటూ పవన్ కళ్యాణ్ రియల్ క్యారెక్టర్ ఎలా ఉంటుందో తెలియజేసింది. ‘వకీల్ సాబ్.. అంటేనే నాకు చెమటలు పడతాయి.. ఆయన పేరు చెబితేనే భయం మొదలౌతుంది. సార్ గురించి అందరూ ఏదో అనుకుంటారు కానీ.. ఆయన చాలా సింపుల్గా ఉంటారు. షూటింగ్లో హంగామా ఏమీ ఉండదు.. చాలా సింపుల్గా వచ్చేస్తారు.. ఇక్కడ ఉంటే ఏమైందిలే అని అంటారు.. ఏదీ స్పెషల్గా ట్రీట్ చేయాలని అనుకోరు. చాలా సరదాగా ఉంటారు.. నాకు సూపర్ ఉమెన్ అని పేరు రావడానికి కారణం ఆయనే. ఆ డైలాగ్ బాగా పేలిందంటే పవన్ కళ్యాణ్ గారి వల్లే. ‘సూపర్ ఉమెన్’ అనే డైలాగ్ అసలు లేదు.. ఆమెను ఏదైనా స్పెషల్గా పిలవాలి అని చెప్పేసి.. ఆయనే సూపర్ ఉమెన్ అన్నారు.. ఆ వర్డ్ ఆయన నోటి నుంచి అప్పటికప్పుడు వచ్చింది. పవన్ కళ్యాణ్ స్టైల్లో ‘సూపర్ ఉమెన్’ అని అంటుంటే ఆడియన్స్ భలే ఎంజాయ్ చేస్తున్నారు. తెగ నవ్వుతున్నారు. ఆ సీన్ అప్పుడు నన్ను నేను చాలా కంట్రోల్ చేసుకున్నా.. ఆపోజిట్లో పవన్ కళ్యాణ్ సార్ ఉండి.. ఫేస్ టు ఫేస్ మాట్లాడుతుంటే డైలాగ్ చెప్పలేకపోయా. ఆయన కళ్లల్లోకి చూసేసరికి డైలాగ్ మర్చిపోయా.. అందుకే ఆయన ఏంటమ్మా అని గురాయించి చూస్తున్నావ్ అనే డైలాగ్ వేశారు. నిజానికి ఆ డైలాగ్ స్క్రిప్ట్లో లేదు. ఆయన ఆ డైలాగ్ చెప్పగానే నేను నిజంగానే అలా చూస్తున్నానా అనుకుని వెంటనే నవ్వేశాను.. మళ్లీ టేక్ తీసుకున్నారు.. ఆయన ఏమీ అనలేదు.. చాలా ప్రోత్సహిస్తారు ఆయన. ఇబ్బంది పడొద్దని చెప్తారు అంటూ పవన్ కళ్యాణ్ గురించి గొప్పగా చెప్పింది సరళా దేవి.
from https://ift.tt/3t9ZIJq
No comments:
Post a Comment