వెంకటేష్‌కి ధన్యవాదాలు చెప్పిన మంచు విష్ణు.. ఎందుకంటే?

మంచు విష్ణు హీరోగా ఆయనే నిర్మిస్తోన్న చిత్రం ‘మోసగాళ్ళు’. భారీ బ‌డ్జెట్‌తో రూపొందుతోన్న ఈ చిత్రం నుంచి ఇప్పటికే చాలా అప్‌డేట్స్ వచ్చాయి. హీరోయిన్ కాజల్ అగర్వాల్ ఈ సినిమాలో మంచు విష్ణుకు చెల్లెలిగా నటిస్తున్నారు. ఇప్పటికే విడుదలైన టైటిల్ పోస్టర్.. మంచు విష్ణు, కాజల్ పోస్టర్స్ ఆకట్టుకున్నాయి. ఇప్పుడు వాటన్నింటినీ మించిప టైటిల్ థీమ్ మ్యూజిక్‌తో కూడిన మోషన్ పోస్టర్‌ను విడుదల చేశారు. సీనియర్ హీరో విక్టరీ ఈ ‘మోసగాళ్ళు’ మోషన్ పోస్టర్‌ను ఆవిష్కరించారు. వెంకటేష్ ట్విట్టర్ ద్వారా ‘మోసగాళ్ళు’ టైటిల్ మోషన్ పోస్టర్‌ను విడుదల చేశారు. చిత్ర యూనిట్‌కు ఆయన శుభాకాంక్షలు తెలిపారు. దీనికి మంచు విష్ణు స్పందిస్తూ వెంకటేష్‌కు ధన్యవాదాలు తెలిపారు. ‘‘మోసగాళ్ళు టైటిల్ మోషన్ పోస్టర్‌ను ఆవిష్కరించినందుకు శ్రీ వెంకటేష్ గారికి ధన్యవాదాలు’’ అని విష్ణు ట్వీట్‌లో పేర్కొన్నారు. ఈ టైటిల్ మోషన్ పోస్టర్‌ను చిత్ర యూనిట్ ‘ది రైజ్ ఆఫ్ మోసగాళ్ళు’ అని పిలుస్తోంది. ఈ థీమ్ మ్యూజిక్ చాలా బాగుంది. 100 అమెరిక‌న్ డాల‌ర్ల నోట్‌ను ఉప‌యోగించి డిజైన్ చేసిన ఈ మోషన్ పోస్టర్ ఆకట్టుకుంటోంది. ఈ సినిమాకి జెఫ్రీ గీ చిన్ దర్శకత్వం వహిస్తున్నారు. భార‌త్‌లో మొద‌లై, అమెరికాను వ‌ణికించిన చ‌రిత్రలోనే అతి పెద్ద ఐటీ కుంభ‌కోణం నేప‌థ్యంలో వాస్తవ ఘ‌ట‌న‌ల ఆధారంగా ‘మోస‌గాళ్ళు’ చిత్రం రూపొందుతోంది. బాలీవుడ్ సీనియ‌ర్ యాక్టర్ సునీల్ శెట్టి ఈ చిత్రంతో టాలీవుడ్‌కు ప‌రిచ‌య‌మ‌వుతున్నారు. ఆయన ఈ సినిమాలో కీలక పాత్ర పోషిస్తున్నారు. న‌వ‌దీప్‌, న‌వీన్ చంద్ర, రుహీ సింగ్‌ ఇతర ముఖ్య పాత్రలు పోషిస్తున్నారు. షెల్డన్ చౌ సినిమాటోగ్రఫీ అందిస్తున్నారు. విజయ్ కుమార్ ఆర్ ఎగ్జిక్యూటివ్ ప్రొడ్యూసర్. Also Read:

from https://ift.tt/2RzwItg