పూరి డైలాగులు.. ప్రభాస్ నుంచి బాలయ్య వరకు.. కుర్ర హీరోలు చితక్కొట్టేశారు!

పూరి జగన్నాథ్ సినిమాల్లో హీరో క్యారెక్టరైజేషన్ ఎంత కొత్తగా ఉంటుందో.. ఆయన డైలాగులు కూడా అంతే వైవిధ్యంగా ఉంటాయి. పూరి సినిమాల్లో హీరో చెప్పే డైలాగులు డైరెక్టుగా ప్రేక్షకుడి గుండెల్లో గుచ్చుకుంటాయి. పూరి సినిమా ఎంత పాతబడినా అందులో డైలాగులు మాత్రం ఎప్పటికీ గుర్తుండిపోతాయి. ‘బద్రి’ సినిమా వచ్చి 20 ఏళ్లు అయినా అందులో పవన్ కళ్యాణ్ మేనరిజం, ఆయన డైలాగులు ఇప్పటికీ పాపులరే. అలాగే, ‘ఇడియట్’లో ‘చంటిగాడు లోకల్’ ఇప్పటికీ చాలా మంది నోటిలో నానుతుంది. ఇలా పూరి ఏ సినిమా చూసుకున్నా అందులో డైలాగులు బాగా పేలుతాయి. ఇదిలా ఉంటే, పూరి జగన్నాథ్ తనయుడు ఆకాష్ ‘మెహబూబా’ చిత్రంతో హీరోగా పరిచయమయ్యాడు. ప్రస్తుతం ‘రొమాంటిక్’ అనే సినిమాలో నటిస్తున్నాడు. మరోవైపు, ప్రముఖ ఫైట్ మాస్టర్ విజయ్ తనయుడు రాహుల్ విజయ్ రెండేళ్ల క్రితం ‘ఈ మాయ పేరేమిటో’ చిత్రంతో హీరోగా పరిచయమయ్యాడు. ఆ తరవాత ‘సూర్యకాంతం’, ‘కాలేజ్ కుమార్’ సినిమాల్లో నటించాడు. ఈ ఇద్దరు కుర్ర హీరోలు ఇప్పుడు బ్రేక్ కోసం చూస్తున్నారు. ప్రస్తుతం లాక్‌డౌన్ కారణంగా ఇంట్లో ఖాళీగానే ఉన్న ఈ హీరోలు ఒక వినూత్న ప్రయత్నం చేశారు. పూరి జగన్నాథ్ సినిమాల్లోని స్టార్ హీరోలు చెప్పిన పాపులర్ డైలాగులతో డబ్‌స్మాష్ వీడియో చేశారు. Also Read: ఆకాష్ పూరీకి రాహుల్ విజయ్ ఫోన్ చేయడంతో ఈ వీడియో మొదలవుతుంది. వీడియో మొత్తం డైలాగులే. కేవలం డైలాగులతోనే మాట్లాడుతూ తమ టాలెంట్ చూపించారు. ‘బుజ్జిగాడు’లోని ప్రభాస్ చెప్పే ‘ఏండి.. ఏమైనా మాట్లాడండి’ డైలాగుతో మొదలుపెట్టి ప్రకాష్ రాజ్, పవన్ కళ్యాణ్, నాగార్జున, మహేష్ బాబు, అల్లు అర్జున్, ఎన్టీఆర్, గోపీచంద్, రామ్, నందమూరి బాలకృష్ణ వరకు ఈ పూరి జగన్నాథ్ హీరోలు అందరూ చెప్పిన డైలాగులు వాడేశారు. తమ టాలెంట్‌ను చూపించి చివరిగా ‘ఖడ్గం’లో రవితేజ చెప్పే ‘ఒకే ఒక్క ఛాన్స్’ డైలాగుతో ముగించారు. మరి ఆ సరదా వీడియోను మీరూ ఎంజాయ్ చేయండి.

from https://ift.tt/2zQam0T