దిల్ రాజు కులాంతర వివాహం! నాన్న కోసం పెళ్లి పెద్దగా కూతురు!

49 ఏళ్ల వయసులో బడా ప్రొడ్యూసర్ రెండో పెళ్లి చేసుకోబోతున్న విషయం తెలిసిందే. గత కొన్నాళ్లుగా ఆయన పెళ్లిపై రకరకాల రూమర్స్ వస్తుండగా.. ఎట్టకేలకు వాటిపై క్లారిటీ ఇస్తూ తాను రెండో పెళ్లి చేసుకుంటున్నట్టు అధికారికంగా ప్రకటించారు దిల్ రాజు. తన సినిమాలకు సంబంధించిన విషయాలను చాలా సీక్రెట్‌గా ఉంచే దిల్ రాజు.. తాను పెళ్లి చేసుకోబోయే విషయాన్ని అంతే సీక్రెట్‌గా ఉంచారు. ‘ప్రస్తుత పరిస్థితులు ఎవరూ జీర్ణించుకోలేకపోతున్నారు.. ప్రొఫెషనల్‌గానూ ఆటంకాలు చాలా ఉన్నాయి. వీటి నుంచి కోలుకోవడానికి నాకు టైం రాలేదు. అందరి జీవితాల్లో ఏదో ఒక సమయంలో సమస్యలు వస్తుంటాయి.. పోతుంటాయి. నా జీవితంలో కూడా వ్యక్తిగత సమస్యలు దూరమవుతాయని భావిస్తున్నాను. అందుకు అనుగుణంగా కొత్త జీవితాన్ని ప్రారంభించబోతున్నాను.. అందుకు ఇదే మంచి సమయంగా భావిస్తున్నా’ అంటూ పెళ్లి వార్తను దృవీకరించారు దిల్ రాజు. దిల్ రాజు సొంత గ్రామమైన నిజామాబాద్ జిల్లాలోని నర్సింగ్ పల్లిలో దిల్ రాజు వివాహం జరగబోతుంది. ఈరోజు (మే 10) రాత్రి తన ఇష్టదైవమైన శ్రీవెంకటేశ్వర స్వామీ దేవాలయంలో అతికొద్దిమంది బంధువుల సమక్షంలో వివాహం చేసుకోబోతున్నారు దిల్ రాజు. ఇదిలా ఉంటే దిల్ రాజు పెళ్లి వార్త బయటకు రాగానే.. అటు ఇండస్ట్రీలోనూ బయటి జనంలో కూడా ఆయన రెండో పెళ్లి చేసుకోబోతున్న ఆ యువతి ఎవరు? అనే సందేహం అందరిలోనూ మొదలైంది. కాగా దిల్ రాజు కులాంతర వివాహం చేసుకోబోతున్నట్టు తెలుస్తోంది. ఆయనకు బాగా తెలిసిన బ్రాహ్మణ యవతిని దిల్ రాజు వివాహం చేసుకోబోతున్నట్టు తెలుస్తోంది. ఈమె గతంలో ఎయిర్ హోస్ట్రెస్‌గానూ పని చేసిందట. ఆమె ఫ్యామిలీ అమెరికాలో స్థిరపడినట్టు సమాచారం. ఇక దిల్ రాజు పెళ్లికి పెద్దగా ఆమె కూతురు హన్షిత రెడ్డి అన్నీ తానై చూసుకుంటుందట. 2014లోనే హన్షిత రెడ్డికి వివాహం కాగా.. 2017లో తన తల్లిని కోల్పోయింది. అప్పటి నుంచి తన తండ్రికి రెండో పెళ్లి చేయాలనే ఆలోచనలో ఉన్నారట హన్షిత రెడ్డి. మాతృ దినోత్సవం రోజున తన తండ్రికి మళ్ళీ పెళ్లి చేయడానికి పెళ్లి పెద్దగా వ్యవహరిస్తోందట. తన తండ్రికి బాగా తెలిసిన అమ్మాయే తనకు తల్లిగా వస్తుండటంతో ఈ పెళ్లి తన చేతుల మీదుగానే జరిపిస్తోందట దిల్ రాజు కూతురు హన్షిత రెడ్డి.

from https://ift.tt/35LzYbn