‘రెడ్’ సినిమా రిలీజ్‌పై క్లారిటీ ఇచ్చిన హీరో రామ్

ఇస్మార్ట్ శంకర్ చిత్రంతో బాక్సాఫీస్‌ను షేక్ చేసిన హీరో రామ్ ప్రస్తుతం తిరుమల కిషోర్ దర్శకత్వంలో రెడ్ అనే చిత్రాన్ని చేస్తున్న సంగతి తెలిసిందే. అయితే ఏప్రిల్‌లో రిలీజ్ కావలసిన ఈ చిత్రం లాక్‌డౌన్ కారణంగా వాయిది పడింది. అయితే ప్రస్తుత పరిస్థితుల నేపథ్యంలో మూవీని డిజిటిల్ స్ట్రీమింగ్స్‌లో విడుదల చేస్తారని ప్రచారం జరిగింది. ఈ నేపథ్యంలో ఓ నెటిజన్‌.. రామ్ డైలమాలో ఉన్నాడా? అని ఓ వార్త పత్రికల్లో వచ్చింది. ఆ వార్తను పోస్టు చేస్తూ ఓ అభిమాని... రామ్ డైలమాలో ఉన్నాడా ? ఎంత లేట్ అయిన పర్లేదు అన్నా. సినిమాని థియేటర్‌లో రిలీజ్ చేయండి. థియేటర్స్‌లో వచ్చే వరకు మేం అదే ప్రేమతో ,ఓపికతో ఉంటాం అని తన కామెంట్‌లో తెలిపాడు. నెటిజన్ ట్వీట్‌కు స్పందించిన రామ్ బదులిచ్చాడు. అతను డైలమాలో ఏ మాత్రం లేడని ట్వీట్ చేశాడు. వాస్తవానికి అతను ప్రభుత్వం చెప్పినట్టుగా సోషల్ డిస్టెన్సింగ్ , స్వీయ నిర్భంధంలో ఉన్నాడు. గత 15 సంవత్సరాలుగా జరుగుతున్నట్లుగానే... అతడు కూడా తన ఫ్యాన్స్ అందరు రెడ్ సినిమాని బిగ్ స్క్రీన్‌పైనే చూడాలని కోరుకుంటున్నాడు అని తన ట్విట్టర్‌లో పేర్కొన్నాడు. రామ్ వివరణతో అభిమానులకి పూర్తి క్లారిటీ వచ్చింది. ఈ మాత్రం క్లారిటీ చాలని ఓ నెటిజన్ పోస్టు పెడితే... థియేటర్స్ కలుద్దాం అని మరో నెటిజన్ కామెంట్ పెట్టారు. మరికొందరు ఈ పోస్టర్ అయినా రిలీజ్ చేయండి అన్నా అంటూ రామ్‌ను రిక్వెస్ట్ చేస్తున్నారు. శ్రీ స్రవంతి మూవీస్ బ్యానర్‌పై 'స్రవంతి' రవికిషోర్ ఈ చిత్రాన్ని నిర్మిస్తున్నారు. మణిశర్మ సంగీతం సమకూరుస్తున్నారు. పీటర్ హెయిన్స్ యాక్షన్ సీన్స్ డైరెక్ట్ చేస్తున్నారు. గత ఏడాది ప్రారంభమైన ఈ చిత్రం తమిళ మూవీ 'తదమ్' స్టోరీ లైన్ ఆధారంగా రూపొందింది. సినిమా టైటిల్ మాదిరిగానే కథ, కథనం కూడా చాలా కొత్తగా ఉంటాయని దర్శకుడు తిరుమల కిషోర్ వెల్లడించారు. ఇదొక కమర్షియల్ థ్రిల్లర్ అని చెప్పారు.

from https://ift.tt/39ZK2xX