ప్రస్తుతం కరోనా మహమ్మారి ప్రపంచదేశాలను గడగడలాడిస్తోంది. దాదాపు 210 దేశాల్లో వ్యాప్తి చెందిన ఈ వైరస్ అశేష ప్రజానీకాన్ని వణికిస్తోంది. ముఖ్యంగా అమెరికా, స్పెయిన్, ఇటలీ దేశాల్లో ఈ వైరస్ వీర విజృంభణ చేస్తోంది. ఇప్పటికే లక్షలాది మంది ఈ వైరస్ బారినపడి ప్రాణాలు కోల్పోయారు. ఇలాంటి విపత్కర పరిస్థితుల్లో ఓ వైపు ప్రభుత్వ యంత్రాంగం పెద్దఎత్తున సహాయక చర్యలు చేపడుతుంటే మరోవైపు పలువురు సెలబ్రిటీలు తమవంతుగా ప్రజల్లో కరోనా పట్ల అవగాహన కల్పిస్తున్నారు. ఇందులో భాగంగా అమెరికాలో ఉంటున్న వర్ధమాన గాయకుడు తెలుగు ఎన్ఆర్ఐ కార్తీక్ జయంతి BE RESPONSIBLE పేరుతో ఓ వీడియో రూపొందించారు. దీని ద్వారా లాక్డౌన్ వేళ హోమ్ క్వారంటైన్లో ఉండాలని, పరిసరాలను పరిశుభ్రంగా ఉంచుకోవాలని సందేశమిచ్చారు. ఇక ఈ వీడియోలో ప్రముఖ టాలీవుడ్ గాయకులు శ్రీకృష్ణ, ధనుంజయ్, రోహిత్, సంధ్యాబాయి రెడ్డి, శ్రీకాంత్ సందుగు, సాహిత్య వింజమూరి, కార్తీక్ కొడకండ్ల, స్వాతి శర్మ, చైతన్య సాయిరాం తదితరులు 'ఇంట్లోనే ఉండండి.. క్షేమంగా ఉండండి' అని తెలుపుతూ ప్రజలను చైతన్య పరిచారు. ఇప్పటికే కరోనా పట్ల అవగాహన కల్పిస్తూ సంగీత దర్శకుడు కోటి ఓ వీడియో రూపొందించిన సంగతి తెలిసిందే. ఆ వీడియోలో నాగార్జున, చిరంజీవి, సాయి ధరమ్ తేజ్, వరుణ్ తేజ్లు కరోనా పట్ల తీసుకోవాల్సిన జాగ్రత్తలు వివరించారు. ఇకపోతే నేటితో (ఏప్రిల్ 14) ముందుగా భారత ప్రధాని విధించిన లాక్డౌన్ ముగిసింది. ఈ నేపథ్యంలో నేటి ఉదయం జాతిని ఉద్దేశించి ప్రసంగించిన ప్రధాని మోదీ, మే 3 దాకా ఈ లాక్డౌన్ కొనసాగిస్తున్నట్లు పేర్కొన్నారు.
from https://ift.tt/2RzoUrK
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment