సినిమాకు ఆయనో గిఫ్ట్.. పవన్‌పై ప్రేమ కురిపించిన నిధి అగర్వాల్

ప్రస్తుతం తెలుగు సినీ పరిశ్రమలో ఉన్న అందమైన హీరోయిన్లలో నిధి అగర్వాల్ ఒకరు. అక్కినేని నాగచైతన్య హీరోగా వచ్చిన ‘సవ్యసాచి’ సినిమాతో నిధి టాలీవుడ్‌కు పరిచయమయ్యారు. ఈ సినిమా బాక్సాఫీసు వద్ద బోల్తాకొట్టింది. ఆ తరవాత ‘మిస్టర్ మజ్ను’లో అఖిల్ సరసన నటించినా కలిసిరాలేదు. అయితే, పూరి జగన్నాథ్ దర్శకత్వంలో రామ్ హీరోగా వచ్చిన ‘ఇస్మార్ట్ శంకర్’ సినిమా నిధి అగర్వాల్‌కు మంచి బ్రేక్ ఇచ్చింది. ఈ సినిమాలో డాక్టర్‌గా మంచి నటనతో పాటు తన గ్లామర్‌తో కుర్రకారుని కట్టిపడేశారు. ఇప్పుడు అశోక్ గల్లా హీరోగా పరిచయం అవుతోన్న సినిమాలో నిధి నటిస్తున్నారు. ప్రస్తుతం లాక్‌డౌన్ నడుస్తుండటం వల్ల నిధి ఇంట్లోనే ఉంటున్నారు. తన కుటుంబ సభ్యులతో కాలాన్ని గడుపుతున్నారు. అలాగే సోషల్ మీడియా ద్వారా ఫ్యాన్స్‌తోనూ టచ్‌లో ఉంటున్నారు. బుధవారం నిధి అగర్వాల్ ట్విట్టర్ ద్వారా తన అభిమానులతో ఇంటరాక్ట్ అయ్యారు. ఫ్యాన్స్ అడిగిన పలు ప్రశ్నలకు ఆమె సమాధానాలు చెప్పారు. పవన్ కళ్యాణ్‌పై, తన పెళ్లిపై ఆమె స్పందించారు. ‘పవన్ కళ్యాణ్ గురించి ఒక్క మాటలో చెప్పండి’ అని ఒక అభిమాని అడగగా.. ‘సినిమాకు పవన్ కళ్యాణ్ సార్ ఒక గిఫ్ట్’ అని నిధి సమాధానం ఇచ్చారు. దీంతో పవన్ ఫ్యాన్స్ ఫుల్ ఖుషీ అయిపోయారు. ఆ తరవాత ‘లవ్ మ్యారేజ్ చేసుకుంటారా? ఇంట్లో కుదిర్చిన పెళ్లి చేసుకుంటారా?’ అని మరో అభిమాని అడిగారు. తాను కచ్చితంగా ఇంట్లో కుదిర్చిన పెళ్లే చేసుకుంటానని నిధి చెప్పారు. టాలీవుడ్‌లో చాలా మంది ప్రతిభావంతులైన నటీమణులు ఉన్నారని చెప్పిన నిధి.. తాను ఎవరికీ పోటీ కాదని, తనకు తానే పోటీ అని అన్నారు. ప్రతి ఒక్కరికీ సొంత లక్ష్యం, దారి ఉంటాయని పేర్కొన్నారు. ‘హృతిక్ రోషన్ గురించి చెప్పండి’ అని ఒక అభిమాని అడిగిన ప్రశ్నకు.. ‘ఇప్పటి వరకు నేను చూసిన మోస్ట్ కంప్లీట్ యాక్టర్ ఆయన. నిజమైన స్ఫూర్తి ఆయన. అందగాడు’ అని నిధి అగర్వాల్ పొగిడేశారు.

from https://ift.tt/2xXrBfY