గుంటూరు జిల్లాకు చెందిన మెగా అభిమాని, అంజనా మహిళా సేవా సంస్థ అధ్యక్షురాలు రాజనాల నాగలక్ష్మికి హైదరాబాద్లోని స్టార్ హాస్పిటల్లో గుండె శస్త్రచికిత్స జరిగిన సంగతి తెలిసిందే. ఈ ఆపరేషన్ విషయంలో మెగాస్టార్ చిరంజీవి ఆమెకు ఎంతగానో సహకారం అందించారు. కాగా, సోమవారం రాజనాల నాగలక్ష్మిని స్టార్ హాస్పిటల్ వైద్యులు ఐసీయూ నుంచి ప్రత్యేక గదికి తరలించారు. ప్రస్తుతం నాగలక్ష్మి ఆరోగ్యం నిలకడగా ఉందని డాక్టర్లు తెలిపారు. అలాగే, రాజనాల నాగలక్ష్మి స్పృహలోకి రాగానే చిరంజీవి, సురేఖ దంపతులు స్వయంగా నాగలక్ష్మితో వీడియో కాల్ ద్వారా మాట్లాడారు. ఆమె ఆరోగ్య పరిస్థితిని అడిగి తెలుసుకున్నారు. ‘‘మీకు అండగా నేనున్నాను. మీకు ఏమీ కాదు.. ధైర్యంగా ఉండండి’’ అని నాగలక్ష్మికి చిరంజీవి భరోసా ఇచ్చారు. చిరంజీవి దంపతులతో వీడియో కాల్ మాట్లాడుతూ నాగలక్ష్మి ఆనందంతో ఉబ్బితబ్బిబ్బైపోయారు. ‘‘ఇది కలా.. నిజమా? నా నడిచే దైవం చిరంజీవి గారు స్వయంగా నాతో మాట్లాడటమా? దీన్ని ఎంతో అదృష్టంగా భావిస్తున్నాను. సురేఖ గారు కూడా కుంటుంబ సభ్యురాలిగా నాతో ఎంతో ప్రేమతో ఆప్యాయంగా మాట్లాడారు. ఈ జన్మకి ఇది చాలు. ముక్కోటి దేవతలు చిరంజీవి గారిని, వారి కుటుంబాన్ని చల్లగా చూడాలని మనస్ఫూర్తిగా ప్రార్థిస్తున్నాను’’ అని ఉద్వేగంతో, ఆనందబాష్పాలతో మెగా దంపతుల పరామర్శకి బదులిచ్చారు. Also Read: కాగా, నాగలక్ష్మి కొంతకాలంగా గుండె జబ్బుతో బాధపడుతున్నారు. ఈ మధ్య ఆమె ఆరోగ్యం బాగా క్షీణించింది. ఈ విషయాన్ని అభిమానులు చిరంజీవి దృష్టికి తీసుకెళ్లారు. వెంటనే స్పందించిన చిరంజీవి హైదరాబాద్లోని స్టార్ హాస్పిటల్లో ఆమెకు ఆపరేషన్కు జరిపించేందుకు ఏర్పాట్లు చేశారు. స్టార్ హాస్పిటల్ చైర్మన్, మేనేజింగ్ డైరెక్టర్ డాక్టర్ ఎమ్. గోపీచంద్తో మాట్లాడి ఆపరేషన్కు కవాల్సిన ఏర్పాట్లు చేశారు. ఈ లాక్డౌన్ పీరియడ్లో పోలీసుల నుంచి ప్రత్యేక అనుమతులు తీసుకొని గుంటూరు నుంచి ఆమెను హైదరాబాద్ తీసుకొచ్చారు. ఇటీవల ఆమెకు ఆపరేషన్ చేశారు.
from https://ift.tt/2RyuavL
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment