అఖిల్‌ని కూడా కాస్త పట్టించుకోండయ్యా..!

అఖిల్ అక్కినేని.. వెండితెరకు పరిచయం కాకముందు ఈ పేరుకి మంచి ఫాలోయింగ్, క్రేజ్ ఉండేది. కానీ హీరోగా ఎంట్రీ ఇచ్చాక అఖిల్‌కి తన స్టామినాను నిరూపించుకునే హిట్ పడలేదు. దీంతో అల్లాడిస్తాడు అనుకున్న అక్కినేని అందగాడికి ఆశించినంత పేరు రాలేదు. ఎన్నో అంచనాలతో వచ్చిన తొలి సినిమా ‘అఖిల్’ డిజాస్టర్ అయినా తరువాత కుదురుకుంటాడు అనుకున్నారు అంతా. అఖిల్ కూడా మాస్ హీరో అయిపోవాలి అనే కోరికను పక్కనబెట్టి లవర్ బోయ్ ఇమేజ్ వచ్చేలా తన తరువాతి సినిమాలు ప్లాన్ చేసుకున్నాడు. అలా తన సెకండ్ సినిమాతో ‘హలో’ అన్నాడు. కానీ ఆడియన్స్ పెద్దగా రియాక్ట్ కాలేదు. సినిమా స్లోగా ఉంది అని కంప్లైంట్. మూడో సినిమాగా ‘మిస్టర్ మజ్ను’ అంటూ వచ్చాడు. కానీ ఫీల్ తగ్గింది అన్నారు. దాంతో ఇక ఇప్పుడు ‘మోస్ట్ ఎలిజిబుల్ బ్యాచిలర్’ సినిమాతో మోస్ట్ వాంటెడ్ హిట్ కొట్టాలని గట్టిగా ఫిక్స్ అయ్యాడు. అయితే కరోనా షూటింగ్‌కి బ్రేక్స్ వేసింది. ఈ లోగా అఖిల్ పుట్టిన రోజు వచ్చింది. అయితే ఈ రోజే బన్నీ పుట్టినరోజు కూడా కావడం, దానికి తోడు బన్నీ కొత్త సినిమా ‘పుష్ప’ టైటిల్ ప్రకటన, ఫస్ట్ లుక్ పోస్టర్ లాంచ్ ఉండడంతో సోషల్ మీడియాను అంతా బన్నీ మేనియా కమ్మేస్తుంది. అఖిల్ ఊసే ఎక్కడ కనిపించట్లేదు. అక్కినేని ఫ్యాన్స్ మాత్రమే విషెస్ చెబుతున్నారు. అల్లు అర్జున్ గురించి అఖిల్‌ని పట్టించుకోవట్లేదు అని కొంతమంది ఫ్యాన్స్ ఫీల్ అవుతున్నారు. Also Read: అయితే, తనతోపాటు ఈరోజు పుట్టినరోజు జరుపుకుంటోన్న అఖిల్‌కు అల్లు అర్జున్ పుట్టినరోజు శుభాకాంక్షలు తెలపడం విశేషం. ట్విట్టర్ ద్వారా విషెస్‌ను తెలియజేశారు. దీనికి అఖిల్ కూడా స్పందించారు. బన్నీకి ఆయన కూడా శుభాకాంక్షలు తెలిపారు. ఇక అక్కినేని కుటుంబ సభ్యులు, ఇండస్ట్రీలోని ప్రముఖులు, చిత్ర నిర్మాణ సంస్థలు అఖిల్‌కు ట్విట్టర్ ద్వారా శుభాకాంక్షలు తెలియజేశాయి. కానీ, అల్లు అర్జున్ మేనియా ముందు అఖిల్ హడావుడి కనిపించడంలేదు. కానీ, అన్ని రోజులు ఒకేలా ఉండవుగా. అఖిల్ కూడా తన స్టామినాను నిరూపించుకునే రోజు వస్తుంది. అలాంటి రోజు వీలైనంత త్వరగా రావాలని ఈ ‘మోస్ట్ ఎలిజిబుల్ బ్యాచ్‌లర్’కి ఆల్ ది బెస్ట్ చెప్పేద్దాం.

from https://ift.tt/2Vau8LL