కరోనాపై తెలంగాణ ప్రభుత్వం పాటలు.. విడుదల చేసిన హీరో శ్రీకాంత్

ప్రపంచ మానవాళిని గడగడలాడిస్తున్న కరోనా మహమ్మారిపై ప్రజలకు అవగాహన కల్పించేందుకు ముఖ్యమంత్రి కల్వకుంట్ల చంద్రశేఖరరావు (కేసీఆర్) ఆదేశాల మేరకు తెలంగాణ భాషా సాంస్కృతిక శాఖ ఆధ్వర్యంలో వీడియో పాటలను రూపొందించారు. ఈ పాటలను నటుడు శ్రీకాంత్‌తో కలిసి రాష్ట్ర ఆబ్కారి, క్రీడా, పర్యాటక, సాంస్కృతిక శాఖ మంత్రి వి. శ్రీనివాస్ గౌడ్ హైదరాబాద్‌లోని మంత్రుల నివాస సముదాయంలో ఆవిష్కరించారు. ఈ పాటలను దర్శకుడు బాలాజీ దూసరి రూపొందించారు. ఈ సందర్భంగా మంత్రి వి. శ్రీనివాస్ గౌడ్ మాట్లాడుతూ.. ‘‘ముఖ్యమంత్రి కేసీఆర్ గారు తెలంగాణ రాష్ట్రంలో కరోనా మహమ్మారి విస్తరించకుండా ముందస్తుగా తీసుకున్న జాగ్రత్తల వల్ల నేడు పూర్తి నియంత్రణలో ఉంది. ప్రజలందరూ ప్రభుత్వం నిర్దేశించిన విధంగా స్వీయ నియంత్రణలో ఉండి సామాజిక దూరాన్ని పాటించాలి. భాషా సాంస్కృతిక శాఖ ద్వారా తెలంగాణ సాంస్కృతిక సారథి కళాకారులతో ఇప్పటికే ఎన్నో అవగాహన గీతాలను రూపొందించి ప్రజలకు అందించాం’’ అని చెప్పారు. Also Read: హీరో శ్రీకాంత్ మాట్లాడుతూ.. ‘‘కరోనాపై రూపొందించిన పాటలు చాలా బాగా ఉన్నాయి. దర్శకుడు చాలా అద్భుతంగా తీశారు’’ అని అన్నారు. ఈ సందర్భంగా దర్శకుడు బాలాజీ దూసరి, పాటల రచయితలు కోదారి శ్రీను, అభి ఉప్పుల, ఎడిటర్ బాల ఇల్లందులను మంత్రి వి. శ్రీనివాస్ గౌడ్, నటుడు శ్రీకాంత్ అభినందించారు.

from https://ift.tt/2XM08si