యాక్షన్ సినిమాలకు పెట్టింది పేరు బాలీవుడ్ గ్రీక్ గాడ్ హృతిక్ రోషన్. ఈయనను రోల్ మోడల్‌గా భావించి ఇండస్ట్రీలోకి అడుగుపెట్టిన మరో స్టార్ కిడ్ టైగర్ ష్రాఫ్. వీరిద్దరి కాంబినేషన్‌లో వస్తున్న చిత్రం ‘వార్’. తొలిసారి వీరిద్దరి సినిమా టైటిల్‌తో తెలుగులోనూ విడుదల కాబోతోంది. ఇద్దరు స్టార్ యాక్షన్ హీరోలు ఉన్నప్పుడు సినిమాలో అదే స్థాయిలో యాక్షన్ ఎపిసోడ్స్ కూడా ఉండాలి. అప్పుడే అభిమానులకు సినిమా చూస్తున్నప్పుడు ఓ కిక్కుంటుంది. వీరిద్దరి కెపాసిటీని మైండ్‌లో పెట్టుకుని భారీ యాక్షన్ సీక్వెన్సెస్ తెరకెక్కించాలని నిర్ణయించుకున్నారు దర్శకుడు సిద్ధార్థ్ ఆనంద్. అందుకే హాలీవుడ్‌కు చెందిన లీడింగ్ యాక్షన్ డైరెక్టర్ సీయంగ్ ఓను పిలిపించారు. ఆయన సమక్షంలో కళ్లు చెదిరిపోయే యాక్షన్ ఘట్టాలను తెరకెక్కించారు. అన్నింటికంటే సినిమాలో హైలైట్ ఏంటంటే.. ఆర్క్‌టిక్ సర్కిల్ వద్ద మంచులో హృతిక్, టైగర్‌లు చేసిన కార్ ఛేజింగ్ సీన్స్. ఇప్పటివరకు ఆర్క్‌టిక్ సర్కిల్‌లో ఏ సినిమానూ తెరకెక్కించలేదు. ఆ ఘనత మన భారతీయ సినిమాకు దక్కింది. అయితే హృతిక్ చేసిన భయంకరమైన యాక్షన్ ఎపిసోడ్స్ చూసి సీయంగ్ కూడా షాకయ్యారు. దీని గురించి ఆయన ఓ సందర్భంలో మాట్లాడుతూ.. ‘చాలా క్రిటికల్ యాక్షన్ సీక్వెన్స్‌ల కోసం హృతిక్ తన ప్రాణాలను సైతం లెక్కచేయలేదు. సినిమాలో హృతిక్ పర్‌ఫార్మెన్స్ చూసి నిలబడి చప్పట్లు కొట్టాలనిపించింది. ప్రతి యాక్షన్ ఎపిసోడ్ పూర్తయ్యాక హృతిక్ ముఖంలో కనిపించే చిరునవ్వును నేను చాలా మిస్సవుతాను’ అని వెల్లడించారు. అంతేకాదు సినిమాలో టైగర్ ష్రాఫ్ ఎంట్రీ సీన్ రికార్డ్ సృష్టిస్తుందని అంటున్నారు సీయంగ్. ‘సింగిల్ టేక్‌లో ఆయన ఎంట్రీ సీన్‌ను పూర్తిచేశారు. అలా చేయాలంటే ఏకాగ్రత చాలా ముఖ్యం. టైగర్‌కు యాక్షన్ సినిమాలు వెన్నెతో పెట్టిన విద్య. తన నటనా నైపుణ్యాలతో టైగర్ నన్నెప్పుడూ సర్‌ప్రైజ్ చేస్తుంటారు. బాలీవుడ్ యాక్షన్ సినిమాలకు టైగర్ చిరునామాగా నిలుస్తారన్న నమ్మకం నాకుంది. నా కెరీర్‌లో వార్ సినిమా చాలా హార్డెస్ట్ అని చెప్పాలి. నేను స్క్రిప్ట్ చదవగానే దర్శకుడు సిద్ధార్థ్ ఎలా చేద్దామనుకుంటున్నారు అనుకున్నా. బాలీవుడ్‌కు చెందిన ఇద్దరు యాక్షన్ సూపర్ స్టార్స్‌తో కలిసి పనిచేసే అవకాశం నాకు దక్కినందుకు చాలా సంతోషిస్తున్నా’ అని వెల్లడించారు. ఈ చిత్రంలో వాణీ కపూర్ కథానాయికగా నటించారు. యశ్ రాజ్ ఫిలింస్ బ్యానర్‌పై ఆదిత్య చోప్రా సినిమాకు నిర్మాతగా వ్యవహరించారు. గాంధీ జయంతి సందర్భంగా అక్టోబర్ 2న ‘వార్’ సినిమా ప్రేక్షకుల ముందుకు రాబోతోంది. అదే రోజున మెగాస్టార్ చిరంజీవి నటించిన ‘సైరా నరసింహారెడ్డి’ సినిమా విడుదల కానుంది. ఈ విషయం తెలిసీ వార్ సినిమాను తెలుగులోనూ విడుదల చేయాలని చిత్రవర్గాలు నిర్ణయించుకున్నాయి. మరి సైరాతో పోటీ పడి వార్ నిలుస్తుందో లేదో వేచిచూడాలి.
from https://ift.tt/2n4tDp9
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment