ఇటీవలే విడుదలైన 'పుష్ప ది రైజ్' సినిమా థియేటర్ల వద్ద కాసుల ప్రవాహాన్ని పారిస్తోంది. అల్లు అర్జున్- కాంబోలో వచ్చిన హాట్రిక్ మూవీగా బాక్సాఫీస్ వద్ద సందడి చేస్తోంది. చిత్రంలో బన్నీ మాస్ లుక్ చూసి ఫిదా అవుతున్నారు ఆడియన్స్. భారీ రేంజ్‌లో తొలి ప్యాన్ ఇండియా సినిమాగా ఈ చిత్రాన్ని ప్రేక్షకుల ముందుకు తీసుకొచ్చారు సుకుమార్. అయితే ఈ మూవీ రెండు భాగాలుగా రూపొందనుందని ముందే ప్రకటించిన సుక్కు.. ప్రస్తుతం రెండో భాగంపై ఫుల్ ఫోకస్ పెట్టారట. ఈ మేరకు ఆయన వేస్తున్న ప్లాన్స్ వచ్చే ఏడాది బన్నీ అభిమానులకు పూనకాలు తెప్పించనున్నాయని అంటున్నారు. 'పుష్ప ది రైజ్' దూకుడు పట్ల చాలా సంతోషంగా ఉన్న సుకుమార్.. తదుపరి భాగంగా రాబోయే 'పుష్ప ది రూల్' షూటింగ్‌ను ఫిబ్రవరి నెలలో మొదలు పెట్టడానికి అన్ని ఏర్పాట్లు చేస్తున్నారు. అయితే ఈ సినిమా షూటింగ్ కోసం సుకుమార్ కేవలం 100 రోజుల టార్గెట్ పెట్టుకున్నారని తెలుస్తుండటం హాట్ టాపిక్ అయింది. ఫిబ్రవరిలో షూటింగ్ స్టార్ట్ చేసి మే నెల నాటికి టాకీ పార్ట్ మొత్తం ఫినిష్ చేయాలని, ఆ తర్వాత ప్రీ ప్రొడక్షన్ వర్క్ మొదలుపెట్టి దసరా బరిలో పుష్పరాజ్‌ని మళ్ళీ రంగంలోకి దించాలని ఆయన స్కెచ్చేసినట్లు తెలుస్తోంది. ఈ మేరకు నటీనటుల డేట్స్ లాక్ చేస్తూ ఇప్పటినుంచే అంతా షెడ్యూల్ చేస్తున్నారట సుకుమార్. ఇకపోతే పుష్ప రెండో భాగంలో మలయాళీ స్టార్ ఫహద్ ఫాజిల్, అల్లు అర్జున్ మధ్య వచ్చే సన్నివేశాలను బాగా ఎలివేట్ చేస్తూ చిత్రానికి హైలైట్ సీన్స్‌గా ఉండేలా సుక్కు ప్లాన్ చేస్తున్నట్లు ఇన్‌సైడ్ టాక్. అలాగే అల్లు అర్జున్- రష్మికల మధ్య రొమాంటిక్ సీన్స్‌కి కాస్త స్క్రీన్ స్పేస్ ఎక్కువగానే ఇవ్వబోతున్నారట. ఇక అనసూయ క్యారెక్టర్ మరింత బలంగా ఉండనుందట. సో.. చూడాలి మరి పుష్ప-2 గురించిన పూర్తి వివరాలు సుకుమార్ ఎప్పుడు చెబుతారనేది!.
from https://ift.tt/32vptM5
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment