సూపర్ స్టార్ బర్త్ డే (ఆగస్ట్ 9) సందర్భంగా సోషల్ మీడియా మొత్తం షేక్ అయిపోతోంది. దీనికి తోడు సర్కారు వారి పాట టీజర్ మరో వైపు రికార్డుల సునామీని క్రియేట్ చేస్తోంది. ఇప్పటికే పది మిలియన్ల వ్యూస్‌ను కొల్లగొట్టేసింది. సర్ ప్రైజ్‌గా ఈ టీజర్ అర్దరాత్రి విడుదల చేయడంతో అందరూ షాక్ అయ్యారు. అయితే ఇక మహేష్ బాబు ఫ్యాన్స్ మాత్రం రాత్రి నుంచే హల్చల్ చేయడం మొదలుపెట్టేశారు. ఇదంతా కాసేపు పక్కన పెట్టేద్దాం. ఇప్పుడు మహేష్ బాబు సోషల్ మీడియాలో సెలెబ్రిటీల విషెస్ వెల్లువెత్తుతున్నాయి. మహేష్ బాబు క్రేజ్ కేవలం దక్షిణాదికి మాత్రమే పరిమితం కాలేదు. ఉత్తరాదినా మహేష్ బాబు ఫాలోయింగ్ ఓ రేంజ్‌లో ఉంటుంది. డబ్బింగ్ చిత్రాల ద్వారా అక్కడా మహేష్ బాబు ఫుల్ డిమాండ్ ఏర్పర్చుకున్నారు. మరీ ముఖ్యంగా అంటే టాలీవుడ్, కోలీవుడ్‌లో మహేష్ బాబుకు గట్టి ఫ్యాన్ బేస్ ఉంటుంది. అయితే తాజాగా వేసిన ట్వీట్‌తో కోలీవుడ్ షేక్ అవుతోంది. కస్తూరీ శంకర్ ఎప్పుడూ ఏదో ఒక వివాదంలో చిక్కుకుంటారు. ఆమె వేసే పోస్ట్‌లు, చేసే ట్వీట్లు, మాట్లాడే మాటలు ఎప్పుడూ కూడా వివాదాలకు దారి తీస్తుంటాయి. తాజాగా మహేష్ బాబుకు విషెస్ చెప్పబోయి.. దళపతి విజయ్‌ను కించపరిచేశారు. అయితే ఇందులో కించపరిచినట్టు అంతగా ప్రత్యక్షంగా ఏమీ లేకపోయినా కూడా డబుల్ మీనింగ్‌లానే అనిపిస్తుంది. దీంతో దళపతి అభిమానులు తెగ హర్ట్ అవుతున్నారు. కస్తూరీ శంకర్‌ను ఆడుకుంటున్నారు. మహేష్ బాబు బర్త్ డే సందర్భంగా విషెస్ చెబుతూ కస్తూరీ శంకర్ ట్వీట్ వేశారు. తమిళనాడులో కూడా మహేష్ బాబును ఇష్టపడుతారు. ఆయన అన్ని సినిమాలను ఇక్కడ రీమేక్ చేస్తుంటారు.. తమిళ అభిమానులు ఆ ఒరిజినల్ చిత్రాలను చూసి ఎంజాయ్ చేస్తుంటారు అని చెప్పుకొచ్చారు. అయితే ఈ ట్వీట్లో విజయ్‌ను ప్రస్థావించడం, అది కూడా రీమేక్ స్టార్ అన్నట్టుగా ప్రొజెక్ట్ చేయడంపై దళపతి అభిమానులు ఆగ్రహం వ్యక్తంచేస్తున్నారు. మహేష్ బాబు చేసిన పోకిరి, ఒక్కడు సినిమాలను మాత్రమే విజయ్ రీమేక్ చేశారు.. మీ కళ్లు ఏమైనా పోయాయా? మీకు ఆ మాత్రం తెలియదా? మీ ఉద్దేశ్యం ఏంటి? విజయ్‌ను రీమేక్ స్టార్ అని చెప్పడమా? అంటూ రకరకాలుగా కస్తూరీ శంకర్ మీద కామెంట్లు చేస్తున్నారు.
from https://ift.tt/3yum7Ui
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment