అషు రెడ్డి వేలికి ఉంగరం తొడిగేశారు! ఎమోషనల్ అయిన బిగ్ బాస్ బ్యూటీ.. సడెన్ సర్‌ప్రైజ్

బిగ్ బాస్ బ్యూటీ అషూ రెడ్డి సోషల్ మీడియాలో చేసే హంగామా ఎలా ఉంటుందనేది మనందరికీ తెలుసు. నిత్యం ఏదో ఒక పోస్ట్ పెడుతూ రచ్చరచ్చ చేస్తుంటుంది అషు. డబ్ స్మాష్ వీడియోలతో అదే సోషల్ మీడియా ద్వారా ఫేమస్ అయి జూనియర్ సమంతగా భారీ పాపులారిటీ కూడగట్టుకుంది . ఆ తర్వాత బిగ్ బాస్ హౌస్‌లో అడుగుపెట్టి తనదైన చలాకీతనంతో మేల్ కంటిస్టెంట్స్‌ని తెగ అట్రాక్ట్ చేసింది. అలా అలా రాహుల్ సింప్లిగంజ్‌తో క్లోజ్ రిలేషన్ కూడా మెయిన్‌టైన్ చేసి జనాల్లో హాట్ టాపిక్ అయింది. నిత్యం ప్రేమ వ్యవహారాల టాపిక్స్‌తో జనం నోళ్ళలో నానుతూ వస్తున్న అషు.. తన శరీరం లోని సీక్రెట్ ప్లేసులో పవన్ కళ్యాణ్ పేరును టాటూగా వేసుకొని మరింత ఆశ్చర్యపరిచింది. పవన్ అంటే తనకెంత ప్రేమ అనేది అలా బయటపెట్టి సంచలనం సృష్టించింది. పవన్ కళ్యాణ్‌కు నాలుగో భార్యగా ఉండటానికి కూడా రెడీ అన్నట్లుగా నెటిజన్లకు హింట్స్ ఇచ్చి సెన్సేషన్ క్రియేట్ చేసింది. ఇక ఆ తర్వాత కామెడీ స్టార్స్ షోలో ఎక్స్‌ప్రెస్ హరితో కలిసి మంచి కెమిస్ట్రీని పండిస్తూ ముద్దులతో, హగ్గులతో రెచ్చిపోయింది. దీంతో వీరి మధ్య ఏదో నడుస్తోందనే కామెంట్లు కూడా గుప్పుమనడం చూస్తూనే ఉన్నాం. దీంతో అషు రెడ్డి పేరు తరచూ వార్తల్లో నిలుస్తోంది. ఇలాంటి పరిస్థితుల నడుమ సోషల్ మీడియాలో అషుకి సంబంధించిన ఓ వీడియో ఆశ్చర్యపరిచింది. అందుకు కారణం ఆమెకు తన స్నేహితులు ఉంగరం తొడగడం, దానిపై అషు ఎమోషనల్ కావడం. తరచుగా తన వ్యక్తిగత, కెరీర్‌కు సంబంధించిన విషయాలను పంచుకుంటున్న అషు రెడ్డి.. ఫొటోలు, వీడియోలతో కూడా హంగామా చేస్తోంది. తాజాగా తన స్నేహితులు తనకు గిఫ్ట్‌గా ఇచ్చిన ఉంగరాన్ని, దాన్ని వారు వేలికి తొడుగుతుండటాన్ని ఇన్‌స్టాగ్రామ్‌ స్టోరీగా పెట్టుకుంది. AR అనే రక్షరాలు రాసిఉన్న ఈ ఉంగరం తొడిగించుకుంటూ.. ''మీరెప్పుడూ నన్ను ఆశ్చర్య పరుస్తూనే ఉన్నారు. నాకు కన్నీళ్లు ఆగడం లేదు'' అంటూ ఎమోషనల్ కామెంట్ చేసింది అషు. స్నేహితులతో అషు బాండింగ్ చూసి మురిపోతున్నారు ఆమె ఫ్యాన్స్.

from https://ift.tt/3lv40tW