తోటి హీరోయిన్ల బాటలోనే వెళ్తున్న రకుల్.. అలా త్వరలోనే కనిపించనున్న దిల్లీ ముద్దుగుమ్మ

కరోనా, లాక్‌డౌన్ నేపథ్యంలో సినిమా రంగం కంటే ఓటీటీ ఫ్లాట్‌ఫామ్ మంచి వెలుగులోకి వచ్చింది. గతంలో ఓటీటీలో కొన్ని సినిమాలు చూసిన నెటిజన్లు.. ప్రస్తుతం థియేటర్లకు వెళ్లడానికి ఆసక్తి చూపకుండా ఓటీటీలో సినిమాలు చూసేందుకు ఇష్టపడుతున్నారు. హాయి తమ ఇంట్లో కూర్చొని సినిమా చూసే అవకాశం ఉండటం.. దీనిపైపే చాలా మంది మొగ్గు చూపిస్తున్నారు. దీంతో కొందరు తారలు కూడా ఓటీటీలలో షోలు, వెబ్‌సిరీస్‌లు చేయడానికి ఆసక్తి చూపుతున్నారు. వెండితెరపై వరుస ప్రాజెక్టులతో బిజీగా ఉంటూనే.. ఓటీటీలలో షోలు చేస్తున్నారు.. మన స్టార్లు, రానా, సమంత, కాజల్ ఇప్పటికే ఓటీటీల్లో షోలు చేసి సక్సెస్ సాధించారు. తాజాగా మిల్కీ బ్యూటీ తమన్నా కూడా తెలుగు ఓటీటీ ‘ఆహా’లో ప్రసారం అయిన ‘లెవన్త్ అవర్’, ఆ తర్వాత ‘హాట్‌ స్టార్‌’లో రూపొందిన ‘నవంబర్ స్టోరీ’ అనే రెండు వెబ్‌ సిరీస్‌లతో ఆమె అలరించింది. అయితే ఇప్పుడు తన తోటి నటీనటులను ఫాలో అవుతూ ఓటీటీలోకి ఎంట్రీ ఇవ్వనుందట హీరోయిన్ . కెరీర్ ఆరంభంలో మంచి సక్సెస్‌ఫుల్ చిత్రాల్లో నటించిన రకుల్ గత కొంతకాలంగా మాత్రం సరైన సక్సెస్ లేకుండా ఎదురుచూస్తుంది. ఈ ఏడాది ‘చెక్’ అనే సినిమాతో ఆమె ప్రేక్షకులను పలకరించింది. కానీ, ఈ సినిమా ఆమెను నిరాశపరిచింది. అయితే ఇప్పుడు రకుల్ కూడా త్వరలో ఓటీటీలోకి ఎంట్రీ ఇవ్వనుందట. కామెడీనే ప్రధానంగా తెరకెక్కే ఓ వెబ్‌సిరీస్‌లో ఆమె నటించనుందని టాక్ బలంగా వినిపిస్తోంది. వచ్చే నెలలోనే దీని షూటింగ్ ప్రారంభం కానుందని.. త్వరలోనే స్ట్రీమింగ్ అవుతందని తెలుస్తోంది. ఇక రకుల్ ప్రస్తుతం. ‘కొండపొలం’.. తెలుగు-తమిళ భాషల్లో రూపొందుతున్న 'అక్టోబర్ 31 లేడీస్ నైట్' సినిమాలోనూ నటిస్తోంది.

from https://ift.tt/3lGPS0w