‘ప్రైవేటు భాగాలు చూపించొద్దని ముందే చెప్పాను..’.. రాజ్ కుంద్రాపై మరో నటి ఫిర్యాదు

హీరోయిన్ శిల్పాశెట్టి.. బాలీవుడ్‌లో ఎన్నో సూపర్‌హిట్ సినిమాల్లో నటించింది ఆమె. ఇక శిల్పాశెట్టి భర్త ఓ ప్రముఖ వ్యాపారవేత్తగా.. నిర్మాతగా మంచి పేరు ప్రఖ్యాతులు ఉన్న వ్యక్తి. అయితే ఇవన్నీ కొన్ని రోజుల క్రితం వరకే. గత నెల 19వ తేదీన రాజ్ కుంద్రా పోర్నోగ్రాఫీ కేసులో అరెస్ట్ కావడంతో మొత్తం సీన్ రివర్స్ అయింది. అశ్లీల చిత్రాలను రూపొందిస్తూ.. వాటికి ఓ యాప్‌లో అప్‌లోడ్ చేస్తున్నాడనే కారణంతో ఆయన్ని ముంబై క్రైమ్ బ్రాంచీ పోలీసులు అరెస్ట్ చేశారు. అయితే ఈ కేసు వెలుగులోకి వచ్చిన తర్వాత.. దీనికి సంబంధించిన చాలా మందిని కూడా పోలీసులు అదుపులోకి తీసుకున్నారు. అంతెందుకు శిల్పాశెట్టిని కూడా పోలీసులు విచారణ చేశారు. దాదాపు ఆరు గంటలపాటు సాగిన ఈ విచారణలో పలు ఆశ్చర్యకర అంశాలు బయటకు వచ్చినట్లు సమాచారం. అయితే ఈ నేపథ్యంలో చాలా మంది హీరోయిన్లు రాజ్ కుంద్రాపై ఫిర్యాదు చేశారు. తమకు అవకాశం ఇస్తానని ఆయన అశ్లీల చిత్రాల్లో నటించేలా చేశారని వాళ్లు పేర్కొన్నారు. తాజాగా మరో నటి(పేరు వెల్లడించలేదు) కూడా రాజ్ కుంద్రాపై ఫిర్యాదు చేసింది. తనని అశ్లీల చిత్రాల్లో నటించాలని ఆయన కోరితే ఆమె చేశానని.. ఆయితే ప్రైవేటు భాగాలు చూపించవద్దు అని ముందుగానే ఒప్పందం చేసుకున్నామని ఆమె పేర్కొంది. అయినప్పటికీ.. ఒప్పందాన్ని పక్కన పెట్టి రాజ్ కుంద్రా వీడియోలో ఎలాంటి మార్పులు చేయకుండా బయటపెట్టారని ఆమె తెలిపింది. దీనిపై కొన్ని రోజుల క్రితమే ఆమె మల్వాణీ పోలీస్‌స్టేషన్‌లో కుంద్రాపై ఫిర్యాదు చేసింది. ఈ నేపథ్యంలో ఆమె స్టేట్‌మెంట్‌ని ముంబై క్రైమ్ బ్రాంచ్ పోలీసులు రికార్డు చేసుకున్నారు.

from https://ift.tt/3AizhEk