వెండితెరపై తనదైన నటనతో కొన్ని వందల సినిమాల్లో మెప్పించారు సీనియర్ యాక్టర్ . ఆ రోజుల్లో అందరు అగ్ర హీరోలతో తెర పంచుకొని సినిమాల్లో కీలకమైన రోల్స్ పోషిస్తూ ఎన్నో హిట్స్ సొంతం చేసుకున్నారు. వయసు మీదపడినా నేటికీ కొన్ని సినిమాల్లో నటిస్తూ మెప్పిస్తున్నారాయన. ఈ నేపథ్యంలో తాజాగా ఓ ఇంటర్వ్యూలో పాల్గొన్న ఆయన, తన మ్యారేజ్ గురించి ప్రస్తావిస్తూ లవ్ సీక్రెట్స్ బయటపెట్టారు. అలాగే తన కొడుకు రవిబాబు అలవాట్ల గురించి ఓపెన్‌గా అన్నీ చెప్పేశారు. తాను లవ్ మ్యారేజ్ చేసుకున్నానని చెప్పిన చలపతి రావు.. తన భార్య క్యారెక్టర్, డేరింగ్ గురించి ప్రస్తావించారు. ''నా భార్యను నిజంగా మెచ్చుకోవాలి. డైరెక్టుగా రామారావు దగ్గరికి వెళ్లి మా ఆయనకు మంచి వేషాలు ఎందుకివ్వరు? అని అడిగేది. అంత గట్స్ ఉన్నాయి ఆమెకు. ఎన్ని కష్టాలొచ్చినా నిరుత్సాహ పడకుండా వెన్నుతట్టి ప్రోత్సహించేది. ఓ నాటకం వేస్తున్న సమయంలో హీరోయిన్ దొరకకపోతే తనను అడిగా. వెంటనే ఓకే అని ఆ వేషం వేసింది. అంత ఎంకరేజ్ చేసేది నన్ను. అవసరమైతే పుస్తెలు తాకట్టు మెట్టి మరీ నాకు డబ్బులిచ్చేది. మందు తాగను, అమ్మాయిలతో తిరగను, సిగరెట్ తాగను అని ఆమెకు ప్రామిస్ చేశా. తను పోయినా ఇప్పటికీ అదే ఫాలో అవుతున్నా. మా ఇద్దరిదీ లవ్ మ్యారేజ్. పెళ్లి చేసుకుంటావా? అని తనే అడిగింది. వెంటనే ఓకే అన్నా. మా మధ్య ప్రేమలేఖలు అలాంటివి లేవు. వారం రోజుల్లోనే అంతా ఫినిష్. బెజవాడలో ఫ్రెండ్స్ అంతా కలిసి పెళ్లి జరిపించారు. పెళ్లి చేసుకొని కాపురం పెట్టేశాం. ముగ్గురు పిల్లలు పుట్టాక ఆమె దూరమైంది. ఆమె పోయాక మళ్ళీ పెళ్లి చేసుకోమని రామారావు గారు చెప్పారు. అయినా వినలేదు. పిల్లలను బాగా చదివించాలనేదే నా లక్ష్యం. నేను ఏదైతే అనుకున్నానో నా ముగ్గురు పిల్లలు అది చేసి చూపించారు. ఇప్పుడు ఇద్దరు ఆడపిల్లలు అమెరికాలో ఉన్నారు. రవిబాబు కూడా ఎంబీఏ చేశాడు. ఇవ్వాల్టికీ రవి ఒక బీర్ కూడా తాగడు. ఎవ్వరి జోలికి వెళ్లకుండా వాడి లైఫ్ వాడు లీడ్ చేసుకుంటూ వెళ్తాడు. ఇప్పుడు రవిబాబు ఇంట్లోనే ఉన్నా. ఆనాడు నా భార్యకు ఇచ్చిన మాట ఇప్పటికీ దాటవేయకుండా ఎలాంటి దుర్వ్యసనాలకు పోలేదు. నా లాగే నా కొడుకు రవి కూడా మంచి అలవాట్లు మాత్రమే నేర్చుకున్నాడు'' అని చలపతి రావు చెప్పారు.
from https://ift.tt/3yOeEjj
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment