శ్రీకాంత్ అడ్డాలకి సొంత కారు కూడా లేదు.. వెరీ జన్యున్ పర్సన్: మహేష్ బాబు వీడియో వైరల్

దర్శకత్వంలో వచ్చిన ‘’ సినిమాకి ప్రశంసలు దక్కుతున్నాయి. తాజాగా ఓటీటీలో విడుదలైన ఈ చిత్రంలో వెంకటేష్ నటనకు ప్రేక్షకులు బ్రహ్మరథం పడుతున్నారు. కార్తీక్ రత్నం, రావు రమేష్, రాజీవ్ కనకాలలు తమ తమ పాత్రల్లో జీవించేయడంతో ఈ రీమేక్ చిత్రాన్ని తన దర్శకత్వ ప్రతిభతో అద్భుతంగా ఆవిష్కరించారని దర్శకుడు శ్రీకాంత్ అడ్డాలపై ప్రశంసల జల్లు కురుస్తోంది. అయితే శ్రీకాంత్ అడ్డాల దర్శకుడిగా కెరియర్ స్టార్టింగ్‌లో బ్లాక్ బస్టర్ హిట్స్ అందుకున్నప్పటికీ గత కొన్నేళ్లుగా కనిపించడం మానేశారు. 2008లో కొత్త బంగారు లోకం చిత్రంతో డెబ్యూ హిట్ కొట్టిన శ్రీకాంత్ అడ్డాల.. ఆ వెంటనే వెంకటేష్ మహేష్ బాబులను చిన్నోడు, పెద్దోడుగా చూపిస్తూ ‘సీతమ్మ వాకిట్లో సిరిమల్లె చెట్టు’ చిత్రాన్ని తీశారు. ఈ సినిమా కూడా పెద్ద హిట్ అయ్యింది. అయితే ఆ తరువాత ముకుందా (2014), బ్రహ్మోత్సవం (2016) ఈ రెండు వరుస ఫ్లాప్‌లు కావడంతో ఈ స్టార్ దర్శకుడికి డౌన్ ఫాల్ మొదలైంది. 2016 నుంచి 2021 వరకూ శ్రీకాంత్ అడ్డాల సినిమా రాలేదంటే.. బ్రహ్మోత్సవం డిజాస్టర్ ఈ దర్శకుడిపై ఎంత ప్రభావం చూపిందో అర్థం చేసుకోవచ్చు. అయితే కెరియర్‌లోనే బిగ్గెస్ట్ డిజాస్టర్ ఇచ్చిన దర్శకుడు శ్రీకాంత్ అడ్డాల అయినప్పటికీ.. ఈ డైరెక్టర్ అంటే మహేష్ బాబుకి చాలా ఇష్టం. ఇప్పుడు శ్రీకాంత్ అడ్డాల దర్శకత్వంలో వచ్చిన ‘నారప్ప’ చిత్రానికి హిట్ టాక్ రావడంతో.. బ్రహ్మోత్సవం విడుదల సందర్బంగా నాడు మహేష్ బాబు శ్రీకాంత్ అడ్డాల గురించి మాట్లాడిన మాటలు యూట్యూబ్‌లో వైరల్ అవుతున్నాయి. ‘నేనెప్పుడూ ఒక డైరెక్టర్ అలా ఉండటం చూడలేదు.. శ్రీకాంత్ అడ్డాలది ప్యూర్ హ్యూమన్ బీయింగ్. ఇంత పెద్ద డైరెక్టర్ అయినా కూడా ఇప్పటికీ ఆయనకి సొంత కారు లేదు. బైక్‌లోనే వెళ్తుంటారు.. లేదంటే బస్ ఎక్కుతారు. ఆయన ప్రపంచం ఆయనది. ఇండస్ట్రీలో ఆయనకి ఫ్రెండ్స్ కూడా ఎక్కువమంది లేరు. నా అభిప్రాయంలో ఆయన చాలా జన్యున్ పర్సన్. ఆయనంటే నాకు చాలా ఇష్టం. మనం ఏదైనా కష్టంలో ఉండి మూడ్ బాలేకపోయినా.. ఆయనకి ఫోన్ చేస్తే మైండ్ ప్లజెంట్‌గా ఉంటుంది. నేను ఆయన్ని చాలా అభిమానిస్తుంటా. ఆయన కథ చెప్తుంటే.. కుర్రోడు, అబ్బాయి అని ప్రతి పదినిమిషాలకు ఒకసారి చెప్తుంటారు. దాని ద్వారా మన రియల్ లైఫ్ గుర్తుకువస్తుంది. ఆయన కథల్లో కూడా రియాలిటీ ఉంటుంది. రియల్ లైఫ్‌లో మనకు ఎదురయ్యే సందర్భాలే ఆయన కథల్లో కనిపిస్తాయి. మన లైఫ్‌లో కూడా ఇలా జరిగిందే అని ప్రతి ఒక్కరూ ఓన్ చేసుకుంటారు. ‘సీతమ్మ వాకిట్లో సిరిమల్లె చెట్టు’ సినిమా చూసిన తరువాత చాలామంది మా ఇంట్లో ఇలానే ఉంటుంది.. ఇలాగే జరిగిందని అనుకున్నారంటే.. ఆయన కథల్లో ఉన్న సహజత్వం మూలానే’ అంటూ శ్రీకాంత్ అడ్డాల గురించి బ్రహ్మోత్సవం సినిమా టైంలో అద్భుతంగా మాట్లాడారు మహేష్ బాబు. అయితే కష్టం ఉంటే ఆ దర్శకుడికి ఫోన్ చేస్తానన్న మహేష్ బాబు.. ఆయన కష్టంలో ఉంటే ఇన్నాళ్లూ ఎందుకు సినిమా తీయలేకపోయారు.. హిట్లు ఉన్న దర్శకులతోనే కాకుండా ఇలాంటి టాలెంట్ ఉన్న దర్శకుల్ని ప్రోత్సహించాల్సిందని కామెంట్లు చేస్తున్నారు నెటిజన్లు.

from https://ift.tt/3x1NvaE