జైలులో ఉండగా డబ్బు కాజేశారు.. నమ్మించి మోసం చేశారు.. ఫన్ బకెట్ భార్గవ్ ఎమోషనల్ కామెంట్స్

14 ఏళ్ల మైనర్‌ బాలికపై అత్యాచారాని పాల్పడి గర్భవతిని చేశాడనే ఆరోపణలతో అరెస్ట్ అయిన సంగతి తెలిసిందే. గత కొన్ని నెలల క్రితం ఇతనికి సంబంధించిన విషయాలు సంచలనంగా మారాయి. అమ్మాయి తల్లిదండ్రులు ఇచ్చిన ఫిర్యాదు మేరకు భార్గవ్‌పై పెందుర్తి పోలీస్ స్టేషన్‌లో ‘దిశ’, పోక్సో చట్టం కింద కేసు నమోదు చేశారు. దీంతో అరెస్ట్ అయిన భార్గవ్.. రీసెంట్‌గా బయటకొచ్చి తన పరిస్థితి వివరిస్తూ ఓ వీడియో రిలీజ్ చేశాడు. గత నాలుగు రోజుల క్రితం తన సోషల్ మీడియా ఖాతాలో 'నాకు ఎవరూ సపోర్ట్ లేరు.. మీ సపోర్ట్ కావాలి' అంటూ భార్గవ్ పెట్టిన పోస్ట్ దుమారం రేపింది. భార్గవ్ బయటకొచ్చాడని తెలిసి అతనిపై నెగెటివ్ కామెంట్స్ చేస్తూ రెచ్చిపోయారు నెటిజన్లు. ఈ నేపథ్యంలో తాజాగా మరోసారి ఓ వీడియో ద్వారా అందరి సపోర్ట్ కోరుతూ 'ఇదీ నా కథ' అనే పేరుతో ఓ వీడియో పోస్ట్ చేశాడు. దాదాపు 20 నిమిషాల పాటు మాట్లాడుతూ చాలా విషయాలపై ఓపెన్ అయ్యాడు భార్గవ్. కెరీర్ పీక్ స్టేజ్‌లో ఉన్నప్పుడు నెలకు 8 లక్షల రూపాయలు సంపాదిస్తూ కూడా డబ్బు వెనకేసుకోలేక పోయానని, ఇప్పుడు జాబ్స్ అన్నీ పోయాయని చెబుతూ భార్గవ్ ఆవేదన చెందాడు. తన మీద నడుస్తున్న ప్రచారం అంతా నిజం కాదని చెప్పిన ఆయన ప్రస్తుతం కేసు కోర్టులో ఉంది కాబట్టి ఇంతకు మించి ఏమీ చెప్పలేనని అన్నాడు. చిన్నప్పటి నుంచి తన కెరీర్ వరకు జరిగిన విషయాలు, సంఘటనలు వివరించాడు. కేసు నమోదై జైలుకెళ్లాక తాను నమ్మిన వాళ్లే తనను మోసం చేశారని వాపోయాడు భార్గవ్. పాస్‌వర్డ్ దొంగలించి తన అకౌంట్ నుండి 12 లక్షల రూపాయలు డ్రా చేశారని, అయినా కూడా క్షమించి వదిలేశానని అన్నాడు. వీలైతే ప్రోత్సహించండి కానీ నెగెటివ్ కామెంట్స్ చేయకండి అని కోరుతూ కంటతడి పెట్టుకున్నాడు. ఇలాంటి క్లిష్ట సమయంలో తన పక్కన ఎవ్వరూ లేరని, ఇప్పుడు తిరిగి మళ్ళీ మొదటి నుండి కొత్త ప్రయాణం స్టార్ట్ చేస్తున్నానని, మీ సపోర్ట్ కావాలని కోరాడు. అయితే తనపై నమోదైన కేసు విషయంలో భార్గవ్ ఎలాంటి క్లారిటీ ఇవ్వకపోవడం ఇక్కడ గమనించాల్సిన విషయం. ఇక ఈ వీడియో చూసిన నెటిజన్ల కామెంట్స్ చూస్తుంటే ఏ ఒక్కరూ అతనిపై పాజిటివ్ ధోరణితో లేరని స్పష్టమవుతోంది. ''నీ ఆటిట్యూడ్ అంతా తెలుసు.. సెంటిమెంట్‌తో మళ్ళీ రావాలని చూస్తున్నావా?'' అంటూ కొందరు కామెంట్స్ చేస్తుండగా, నీ లైఫ్ ఎప్పుడో క్లోజ్ అయింది ఇంకా ఈ నాటకాలు అవసరమా అని ఇంకొందరు నెటిజన్లు రెచ్చిపోతున్నారు.

from https://ift.tt/2W9JwMq