నాగశౌర్య హీరోగా సంతోష్ జాగర్లపూడి దర్శకత్వంలో రూపొందుతోన్న చిత్రం ‘లక్ష్య’. సోనాలి నారంగ్ సమర్పణలో శ్రీ వేంకటేశ్వర సినిమాస్ ఎల్ఎల్పి, నార్త్స్టార్ ఎంటర్టైన్మెంట్ పతాకాలపై నారయణదాస్ కె. నారంగ్, పుస్కూర్ రామ్మోహన్రావు, శరత్ మరార్ సంయుక్తంగా నిర్మిస్తున్నారు. నాగశౌర్య సరసన కేతిక శర్మ హీరోయిన్గా నటిస్తోన్న ఈ చిత్రంలో ఒక కీలక పాత్రలో విలక్షణ నటుడు జగపతి బాబు నటిస్తున్నారు. ఆర్చరీ క్రీడా ఆధారంగా ఈ సినిమాను రూపొందిస్తున్నారు. ఈ సినిమాలో నాగశౌర్య మాజీ ఆర్చరీ ప్లేయర్ పాత్రలో కనిపించనున్నారు. కరోనా సెకండ్ వేవ్కి ముందు ఈ ఏడాది జవనరిలో సినిమా షూటింగ్ని మళ్లీ ప్రారంభించినట్లు ప్రకటించిన చిత్ర యూనిట్. కొద్ది రోజుల తర్వాత సినిమా టీజర్ని కూడా విడుదల చేసింది. ఈ టీజర్లో నాగశౌర్య లుక్స్.. బ్యాక్గ్రౌండ్ మ్యూజిక్.. తదితర విషయాలు ప్రేక్షకులను విశేషంగా ఆకట్టుకున్నాయి. తాజాగా ఈ సినిమా నుంచి మరో కొత్త పోస్టర్ని చిత్ర యూనిట్ విడుదల చేసింది. ఈ పోస్టర్లో హీరో నుదుటిపై హీరోయిన్ ముద్దు పెట్టడం మనం చూడొచ్చు. ఈ అప్డేట్ చూసిన తర్వాత సినిమా నుంచి మరిన్ని అప్డేట్స్ వస్తాయని అబిమానుల్లో ఆశాభావం పెరిగిపోయింది. అయితే ఆ అప్డేట్స్ సినిమా ట్రైలర్ గురించా.. లేక మొదటి సింగిల్ గురించా అనే విషయం తెలియాలి అంటే చిత్ర యూనిట్ నుంచి అధికారికంగా ప్రకటన వచ్చే వరకూ వేచి చూడాల్సిందే.
from https://ift.tt/3BSujjv
No comments:
Post a Comment