ఇష్క్ మూవీ రివ్యూ.. భరించడం పెద్ద రిస్క్!

కరోనా సెకండ్ వేవ్ తరువాత చాలా గ్యాప్‌తో థియేటర్లు తెరుచుకున్నాయి. సినీ అభిమానులు కూడా థియేటర్లో సినిమా చూసి ఆ అనుభూతిని పొందాలని ఎదురుచూశారు. అలాంటి వారి ముందుకు నేడు (జూలై 30) తేజ సజ్జా, నటించిన చిత్రం వచ్చింది. మళయాలి సినిమా ఇష్క్‌కు రీమేక్‌గా వచ్చిన ఈ మూవీ తెలుగు ప్రేక్షకులను ఆకట్టుకుందా? లేదా? తేజ సజ్జాకు హిట్ వచ్చిందా? లేదా అన్నది చూద్దాం. సిద్దార్థ్ అలియాస్ సిద్దు () ఓ సాఫ్ట్ వేర్ ఉద్యోగి. అనసూయ అలియాస్ అను (ప్రియా ప్రకాశ్ వారియర్)తో సిద్దు ప్రేమలో ఉంటాడు. అలా అను బర్త్ డే సందర్భంగా ఆమెతో లాంగ్ డ్రైవ్ ప్లాన్ చేస్తాడు సిద్దు. లాంగ్ డ్రైవ్‌లో భాగంగా సిద్దు,అనులకు వింత పరిస్థితులు ఏర్పడుతాయి. సిద్దు, అనులు సన్నిహితంగా ఉన్న సమయంలో ఫోటోలు, వీడియోలు తీస్తాడు మాధవ్ (రవీందర్). పోలీస్ ఆఫీసర్ అంటూ ఆ ఇద్దరి భయపెట్టి బ్లాక్ మెయిల్ చేస్తాడు. కారులోనే అనుతో మాధవ్ అసభ్యకరంగా ప్రవర్తిసాడు. డబ్బులిస్తాను వదిలేయ్ అంటూ సిద్దు బతిమాలాడతాడు. అయినా అతని బుద్దిని చూపిస్తాడు. అను మీద కన్నేసిన అతను తప్పుగా ప్రవర్తిస్తాడు. చివరకు సిద్దు ఏం చేశాడు? పోలీస్ అంటూ వేధించిన వ్యక్తికి ఎలా బుద్ది చెప్పాడు? చివరకు అను సిద్దుల కథ ఎలా ముగిసింది? అనే ప్రశ్నలకు సమాధానమే ఇష్క్. సిద్దు పాత్రలో తేజ సజ్జ, అను క్యారెక్టర్‌లో ప్రియా ప్రకాశ్ వారియర్ బాగానే నటించారు. ఇంకా కొన్ని సీన్లలో తేజ ఇంకా చిన్న పిల్లాడిలానే కనిపిస్తాడు. ఇక ప్రియా వారియర్‌ కూడా బాగానే మెప్పించే ప్రయత్నం చేశారు. ఇందులో ఎక్కువగా ఆమె చేసింది ఏమీ లేకపోయినా కూడా ఉన్నంతలో ఆకట్టుకున్నారు. ఇందులో విలన్ లాంటి పాత్రలో రవీందర్ బాగానే ఆకట్టుకున్నారు. మిగతా పాత్రల్లో అందరూ తమ పరిధి మేరకు నటించారు. మళయాలి సినిమాకు రీమేక్‌గా వచ్చిన ఈ చిత్రం తెలుగు ప్రేక్షకులకు సహన పరీక్షలా మారుతుంది. మార్పులు చేర్పులు చేసిన దర్శకుడు యస్ యస్ రాజు తెలుగు ప్రేక్షకులను మెప్పించలేకపోవచ్చు. ప్రేమజంటపై దాడులు, వేధింపులు అనే పాయింట్ కొత్తగానే ఉన్నా కూడా కథనం, తెరకెక్కించిన విధానం ఏమంత మెప్పించదు. ఎక్కడా కూడా ప్రేక్షకులను కథలో లీనం చేసేట్టుగా అనిపించదు. నిజమైన ప్రేమకు అర్థం చెప్పే క్రమంలో అలాంటి ఎండింగ్ ఇచ్చాడో మరేదైనా ఉద్దేశ్యంలో అలాంటి ముగింపు ఇచ్చాడో అర్థం కాక ప్రేక్షకుడు బయటకు వస్తాడు. సిద్దు కూడా ఆ పనులన్నీ ప్రేమతో చేశాడా? లేదా కోపంతోనా? అనుమానంతోనా? అనే సందేహాన్ని ప్రేక్షకులకు అలానే తీర్చకుండా వదిలేస్తాడు. ఇష్క్ సినిమాకు కలిసొచ్చే అంశం నిడివి మాత్రమే. సంగీతం విషయానికి వస్తే ఒకే ఒక్క పాట ఆకట్టుకుంటుంది. మాటలు ఉన్నా కూడా అవేమీ అంతగా ప్రభావితం చూపించవు. ఎడిటింగ్, సినిమాటోగ్రఫీ ఇలా ఏవీ కూడా సినిమాను కాపాడలేకపోవచ్చు. చివరగా : ఇష్క్.. భరించడం పెద్ద రిస్క్

from https://ift.tt/3zLwvqW