‘ఎస్ఎమ్‌ఎస్’ సినిమాతో తెలుగు వెండితెరకు పరిచయమైన హీరోయిన్ రెజీనా కస్సాండ్రా. కెరీర్ ఆరంభంలో మంచి హిట్లు అందుకున్న ఆమె.. తెలుగు, తమిళంతో పాటు ఇతర భాషల్లో కూడా సినిమాలు చేసి.. సూపర్ సక్సెస్‌ను సాధించింది. అయితే గత కొంతకాలంగా సరైన హిట్లు లేక కాస్త చతికిలపడిపోయింది రెజీనా. ఛాన్స్ వస్తే చాలు.. ఐటం సాంగ్ చేయడానికైనా రెడీ అనే పరిస్థితికి వెళ్లిపోయింది. ప్రస్తుతం ఈ అమ్మడికి మంచి టైమ్ వచ్చినట్లే అనిపిస్తుంది. ఇప్పటికే తెలుగు, తమిళ భాషల్లో అరజనుకు పైగా సినిమాలతో ఈమె బిజీగానే ఉంది. దీంతో పాటు పాన్ ఇండియా స్థాయిలో తెరకెక్కుతున్న ఓ వెబ్‌సిరీస్‌లో కూడా నటించేందుకు ఓకే చెప్పిందట. ఈ సిరీస్‌తో పాటు తెలుగులో నివేదా థామస్‌తో కలిసి.. ‘శాకినీ.. ఢాకినీ’ అనే వెబ్‌ సిరీస్‌లో కూడా అమె నటిస్తున్నారు. ‘స్వామి రా రా’ ఫేమ్ సుధీర్ వర్మ దర్శకత్వంలో ఈ ఇన్వెస్టిగేటివ్ థ్రిల్లర్ మూవీ తెరకెక్కబోతోంది. కొరియన్ సినిమా ‘మిడ్ నైట్ రన్నర్స్’ ఆధారంగా సురేశ్ ప్రొడక్షన్స్ తో కలిసి సునీతా తాటి ఈ చిత్రాన్ని నిర్మించబోతున్నారు. అయితే దీంతో పాటు ఆమె మరో గోల్డెన్ అవకాశాన్ని కట్టేసింది. బెల్లంకొండ శ్రీనివాస్ హీరోగా.. ఎస్ఎస్ రాజమౌళీ దర్శకత్వంలో తెరకెక్కిన ‘’ సినిమా హిందీ రీమేక్‌లో రెజీనా హీరోయిన్‌గా నటిస్తున్నట్లు సమాచారం. ఈ సినిమాలో నటించే హీరోయిన్ గురించి గతంలో చాలానే రూమర్స్ వచ్చాయి. బాలీవుడ్‌లో మంచి ఫామ్‌లో ఉన్న హీరోయిన్లను ఈ సినిమా కోసం సంప్రదించగా.. వాళ్లు నిరాకరించారని వార్తలు కోకొల్లలుగా పుట్టుకొచ్చాయి. ఆ తర్వాత అనన్య పాండే ఈ సినిమాలో చేసేందుకు ఒప్పుకుంది అని కూడా తెలిసింది. కానీ, ఇప్పుడు ఆ వార్తలు అన్నింటినీ పక్కన పెడుతూ.. రెజీనా ఈ సినిమాలో హీరోయిన్‌గా ఫిక్స్ అయినట్లు పకడ్బందీ సమాచారం తెలుస్తోంది. కొద్ది రోజుల క్రితం రాజమౌళి స్వయంగా క్లాప్ కొట్టి ఈ సినిమాను ప్రారంభించారు. ఈ సినిమాతో రెజీనా బాలీవుడ్‌లోకి ఎంట్రీ ఇవ్వనుంది. మరి ఆమెకు ఈ సినిమా ఏ రేంజ్‌లో సక్సెస్ ఇస్తుందో తెలియాలంటే.. ఇంకొన్ని రోజులు వేచి చూడాల్సిందే మరి.
from https://ift.tt/3iPUkH9
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment