ఇది మామూలు రచ్చ కాదుగా.. యాంకర్ ఓంకార్ తమ్ముడి లేటెస్ట్ పోస్టర్ అదిరిపోయింది..

పలు టీవీ షోలలో యాంకర్‌గా తెలుగు ప్రేక్షకులను ఆకట్టుకున్న వ్యక్తి.. ఓంకార్. నిజంగా చెప్పుకోవాలంటే తెలుగు బుల్లి తెరకు అసలైన రియాల్టీ షోలను పరిచయం చేసిన యాంకర్ అని చెప్పడంలో ఎలాంటి అతిశయోక్తి లేదు. ఇలా తెలుగు ఇండస్ట్రీలో తనకంటూ ఆయన ఓ ప్రత్యేకమైన గుర్తింపు సంపాదించుకున్నారు. బుల్లితెరపై తన ప్రతిభను కనబరచిన ఆయన.. వెండితరపై కూడా అద్భుతమైన గుర్తింపు సాధించారు. ‘జీనియస్’ అనే సినిమాతో దర్శకుడిగా వెండితెరకు ఆయన పరిచయం అయ్యారు. ఆ సినిమాతో తన సోదరుడు అశ్విన్‌ బాబుని హీరో‌గా పరిచయం చేశారు ఓంకార్. ఆ సినిమా తర్వాత అశ్విన్ హీరోగా ‘రాజు గారి గది’ అనే సిరీస్‌లో ఆయన నటించిన మూడు సినిమాలు మంచి బ్లాక్‌బస్టర్ హిట్లు అయ్యాయి. అయితే ఓంకార్ సోదరిడిగా మాత్రమే కాకుండా.. నటుడిగా ఈ సినిమాల ద్వారా మంచి గుర్తింపు సంపాదించుకున్నాడు అశ్విన్. ప్రస్తుతం అతను హీరోగా ఓ సరికొత్త ప్రాజెక్టులో నటించబోతున్నాడు. తన కెరీర్‌లో ఏడవ సినిమాగా రూపొందుతున్న సినిమా ఇది కావడంతో. #AB7 అనే వర్కింగ్ టైటిల్‌తో ఈ సినిమా రూపొందుతుంది. ఈ చిత్రానికి అనిల్ కన్నెగంటి దర్శకత్వం వహిస్తున్నారు. శ్రీ విగ్నేస్ కార్తీక్ సినిమాస్ బ్యానర్ పై గంగపట్నం శ్రీధర్ ఈ చిత్రాన్ని నిర్మిస్తున్నారు. ఇక ఈ సినిమాకు వికాస్ సంగీతం అందిస్తుండగా.. ఎం.ఆర్.వర్మ ఎడిటింగ్ బాధ్యతలు నిర్వర్తిస్తున్నారు. తాజా ఈ సినిమా నుంచి తొలి పోస్టర్‌ని విడుదల చేశారు. ఈ పోస్టర్‌లో రక్తం ఓడుతున్న చేతితో హీరో మనకు కనిపిస్తున్నాడు. ఇక సినిమా నుంచి ఫస్ట్‌లుక్‌ పోస్టర్‌ని ఆదివారం మధ్యాహ్నం 2.52 గంటలకు విడుదల చేస్తున్నట్లు ప్రకటించారు. అయితే తొలి పోస్టర్‌యే ఇంత భయంకరంగా ఉంటే.. ఫస్ట్‌లుక్ ఎలా ఉంటుంది అంటూ ప్రేక్షకులకు కామెంట్ చేస్తున్నారు.

from https://ift.tt/3j7rnXv