‘ఆర్ఆర్ఆర్’ కోసం స్టార్ మ్యూజిక్ డైరెక్టర్.. కీరవాణిని పక్కన పెట్టి మరీ జక్కన ప్లాన్!

‘బాహుబలి’ లాంటి బ్లాక్‌బస్టర్ తరవాత దర్శకధీరుడు ఎస్.ఎస్.రాజమౌళి రూపొందిస్తోన్న మరో భారీ పాన్ ఇండియా చిత్రం ఆర్ఆర్ఆర్. ఈ సినిమాలో మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ హీరోలుగా నటిస్తున్నారు. , రామ్ చరణ్, ఎన్టీఆర్ కాంబినేషన్‌లో వస్తోన్న సినిమా కావడంతో సినిమాపై భారీ అంచనాలున్నాయి. ఈ సినిమా ఎప్పుడెప్పుడు వస్తుందా అని దేశవ్యాప్తంగా ఉన్న అభిమానులు కూడా ఆసక్తిగా ఎదురుచూస్తున్నారు. రాజమౌళి కూడా వాళ్ల అంచనాలకు ఏ మాత్రం తగ్గకుండా ఈ సినిమాని రూపొందిస్తున్నారు. ఇప్పటికే విడుదలైన సినిమా టీజర్లు.. తాజాగా విడుదలైన ‘రోర్ ఆఫ్ ఆర్ఆర్ఆర్’ సినిమా ఏ రేంజ్‌లో ఉండబోతుందో చిన్న ట్రయల్ ఇచ్చాయి. అసలు ఈ టీజర్లు, మేకింగ్ వీడియోలే ఈ రేంజ్‌లో ఉంటే సినిమా ఏ రేంజ్‌లో ఉంటుందా అని అభిమానులు అశ్చర్యపోతున్నారు. అక్టోబర్ 13వ తేదీ ఎప్పుడు వస్తుందా. సినిమాని ఎప్పుడు థియేటర్లలో చూడాలా అని వాళ్లు ఆసక్తిగా ఉన్నారు. ఈ నేపథ్యంలో జక్కన్న రాజమౌళి ఓ సరికొత్త వ్యూహాన్ని రచించారు. మామూలుగా రాజమౌళి సినిమా అంటే సంగీత దర్శకుడు ఎంఎం ఉంటారు. జక్కన ప్రతీ సినిమాలో ఏ పాటకి అయినా కీరవాణినే సంగీత దర్శకుడిగా ఎంచుకుంటారు. కానీ, మొదటిసారిగా ‘ఆర్ఆర్ఆర్’ కోసం ఆయన ఓ కొత్త సంగీత దర్శకుడిని ఎంచుకున్నారట. ఈ సినిమా ప్రమోషనల్ పాటకి సంగీతం అందించేందుకు ఆయన యువ దర్శకుడు అనిరుద్ రవిచందర్‌కు ఛాన్స్ ఇచ్చినట్లు తెలుస్తోంది. త్వరలోనే ఈ పాట బయటకు వస్తుందనే టాక్‌ కూడా బలంగా వినిపిస్తోంది. అజ్ఞాతవాసి సినిమా తర్వాత అనిరుధ్ తెలుగులో చేస్తున్న రెండో ప్రాజెక్ట్ ఇదే కావడంతో దీనిపై మరిన్ని అంచనాలు నెలకొన్నాయి.

from https://ift.tt/3rp2KJv