సినీ పరిశ్రమలో విషాదం.. ప్రముఖ క‌మెడియ‌న్ వివేక్ కన్నుమూత

ప్రముఖ తమిళ హాస్యనటుడు వివేక్(59) గుండెపోటుతో మరణించారు. గురువారం ఛాతిలో తీవ్రమైన నొప్పి రావడంతో వెంటనే ఆయనను ఓ ప్రైవేట్ హాస్పిట‌ల్లో జాయిన్ చేశారు. నిన్న (శుక్రవారం) మధ్యాహ్నం హెల్త్ కండీషన్ క్రిటికల్ కావడంతో ఇంటెన్సివ్ కేర్ యూనిట్‌లో ఎక్మో పరికరంపై చికిత్స అందిస్తున్నారు. అయితే చికిత్స పొందుతూనే ఈ రోజు తెల్లవారుజామున 4 గంటల 35 మినిషాలకు ఆయన తుదిశ్వాస విడిచారని ఆసుపత్రి వర్గాలు వెల్లడించాయి. వివేక్‌కి భార్య, ముగ్గురు పిల్లలున్నారు. ఆయన మరణ వార్తతో తమిళ సినీ వర్గాల్లో విషాద ఛాయలు అలుముకున్నాయి. ఈ వార్త తెలిసి పలువురు సినీ ప్రముఖులు తీవ్ర సంతాపం వ్యక్తం చేస్తున్నారు. ప్రముఖ దర్శకులు కె. బాలచందర్ రూపొందించిన ‘మనదిల్‌ ఉరుది వేండం’ అనే చిత్రంతో వివేక్‌ నటుడిగా తెరంగేట్రం చేసి అంచెలంచెలుగా ఎదిగారు. తనదైన కామెడీ టైమింగ్‌తో మెప్పిస్తూ 300లకు పైగా నటించారు. ‘బాయ్స్’, ‘శివాజీ’, ‘రఘువరన్ బీటెక్’, ‘సింగం’ వంటి సినిమాలతో తెలుగు వారికి సైతం సుపరిచితమైన వివేక్.. టాలీవుడ్ లోనూ పాపులారిటీ సంపాదించారు. ఇక లేరనే విషయాన్ని చాలామంది సినీ ప్రముఖులు జీర్ణించుకోలేక పోతున్నారు. కాగా కోవిడ్‌ టీకా వేయించుకున్న 24 గంటల్లోనే వివేక్‌ పరిస్థితి విషమంగా మారి గుండెపోటు రావడం పట్ల పలు అనుమానాలు వ్యక్తమవుతున్నాయి. ఈ నేప‌థ్యంలో టీకాకు గుండెపోటు సంబంధం లేద‌ని వైద్యులు తెలిపారు.

from https://ift.tt/32nFWy8