దేశాన్ని కుదిపేస్తున్న కరోనా అన్ని రంగాలపై ప్రభావం చూపింది. ముఖ్యంగా సినీ రంగం కరోనా ఎఫెక్ట్‌తో కుదేలైంది. షూటింగ్స్, థియేటర్స్ అన్నీ బంద్ కావడంతో సినీ రంగాన్ని నమ్ముకొని జీవిస్తున్న కార్మికుల ఆర్ధిక స్థితిగతులు దెబ్బతిన్నాయి. ఇప్పటికే రెండు నెలలకు పైగా కెమెరా స్విచ్ ఆన్ చేయలేదు. మే 31 దాకా లాక్‌డౌన్ అమలులో ఉంది.. పైగా కరోనా కేసులు కూడా పెరుగుతున్నాయి. చూస్తుంటే ఇప్పట్లో షూటింగ్స్ మొదలయ్యే సూచనలు కనిపించడం లేదు. ఇదే జరిగితే ఇంకా గడ్డు పరిస్థితులు వస్తాయనే కోణంలో ఇంట్లో మంత్రి తలసానితో భేటీ అయ్యారు సినీ పెద్దలు. ఈ కార్యక్రమంలో సినీ ఇండస్ట్రీ కార్మికుల స్థితిగతులపై చర్చించారు. ప్రభుత్వం అనుమతిస్తే సామాజిక దూరం పాటిస్తూ తమ తమ సినిమా ప్రొడక్షన్, పోస్ట్ ప్రొడక్షన్ పనులను చేసుకుంటామని తలసాని ముందు అభ్యర్థన ఉంచారు టాలీవుడ్ పెద్దలు. అయితే పోస్ట్ ప్రొడక్షన్ వ‌ర‌కు ఓకే కానీ షూటింగ్‌ల విష‌యానికి వ‌స్తే సామాజిక దూరాన్ని పాటిస్తూ ప్ర‌భుత్వ నిబంధ‌న‌ల ప్ర‌కారం షూటింగ్ ఎలా సాధ్యం? అని తలసాని ప్రశ్నించగా, అందుకు బదులిస్తూ టెస్ట్ షూట్ చేసి చూపిస్తామని సినీ పెద్దలు చెప్పారట. ఈ మేరకు చిరంజీవి సహా అందరూ కలిసి నిర్ణయం తీసుకొని టెస్ట్ షూట్ బాధ్యతలను రాజమౌళికి అప్పగించారట. దానికి రెడీ అనేసిన జక్కన్న.. మాక్ షూట్ చేసి ప్రభుత్వం షూటింగ్స్‌కి అనుమతి ఇచ్చేలా ముందుకెళ్లనున్నారట. భౌతిక దూరాన్ని పాటిస్తూ RRR టెస్ట్ షూట్ చేయ‌డానికి తగిన చర్యలు తీసుకుంటున్నారట జక్కన్న. రాజ‌మౌళి టెస్ట్ షూట్ తాలూకు వివరాలు, సాధ్యాసాధ్యాలు పరిశీలించాకే షూటింగ్స్ విషయంలో ప్రభుత్వం నిర్ణయం తీసుకోనుందని సమాచారం. అంతా ఓకే అనుకుంటే జూన్ మొద‌టి వారం నుంచి షూటింగ్‌ల‌కు ష‌ర‌తుల‌తో కూడిన అనుమ‌తులు ఇవ్వొచ్చని టాక్.
from https://ift.tt/3g9hPJr
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment