దగ్గుబాటి వారసుడు రానా.. పెళ్లి కబురు చెప్పడంతో పలువురు సినీ తారలు రానాకి శుభాకాంక్షలు తెలుపుతున్నారు. వచ్చే డిసెంబర్‌లో రానా-మిహీక బజాజ్‌‌లు పెళ్లి బంధంతో ఒక్కటి కాబోతుండటంతో.. చిరంజీవి, మంచు లక్ష్మి, సుధీర్‌బాబు, నవీన్‌చంద్రా, శోభూ యార్లగడ్డ తదితరులు విషెష్ అందించారు. ఇక రానా క్లోజ్ ఫ్రెండ్, ఏరా అంటే ఏరా అని పిలుచుకునే జిగిడీ దోస్త్ హీరో నాని.. రానా పెళ్లిపై చేసిన ట్వీట్ వైరల్ అయ్యింది. 'ఇంకా ఏమేమి చూడాల్సి వస్తుందో 2020 లో' అని సరదాగా పేర్కొంటూ బజాజ్ కంపెనీకి ‘హమారా బజాజ్’ పాపులర్ యాడ్ వీడియోను జతచేసి.. 'జోక్స్‌ పక్కకు పెడితే సూపర్‌ బాబాయ్‌' అంటూ ట్వీట్ చేశాడు. రానాకి కాబోయే భార్య పేరు మిహీక బజాజ్ కావడంతో ‘హమారా బజాజ్’ యాడ్‌ని షేర్ చేసి తన క్రియేటివిటీ చూపించారు నాని. అయితే ఈ ట్వీట్ బాగా వైరల్ కావడంతో యూట్యూబ్‌లో పలు వీడియోలు దర్శనం ఇస్తున్నాయి. ఎలాగూ ‘రానా పెళ్లిపై నాని’ రియాక్షన్ ట్రెండ్ అవుతుండటంతో కొన్ని కక్కుర్తి యూట్యూబ్ ఛానల్స్ రకరకాల తప్పుడు తంబ్ నెయిల్స్‌తో వార్తలు పుట్టించారు. అలాంటి వార్తల్లో నాని.. రానా పెళ్లిపై స్పందిస్తూ.. ‘రానాకి పెళ్లయ్యే సరికి నాకు షష్ఠిపూర్తి’ అన్నట్టుగా వార్త పుట్టించడంతో ఆ వీడియో వైరల్ అయ్యి లక్షల వ్యూస్ కొల్లగొడుతోంది. నాని హీరోగా నటించిన ‘జెర్సీ’ సినిమా థాంక్స్ మీట్‌కి రానా అప్పట్లో చీఫ్ గెస్ట్‌గా వెళ్లారు. ఆ సందర్భంలో నాని అసలు రానా పెళ్లి ప్రస్తావనే తీసుకుని రాలేదు. కాని అదే వీడియోలో రానా పెళ్లిపై నాని ‘రానాకి పెళ్లయ్యే సరికి నాకు షష్ఠిపూర్తి’ అన్నట్టుగా తంబ్ నెయిల్ పెట్టారు. ఇంతకీ అప్పుడు నాని మాట్లాడింది ఏంటంటే.. ‘ఈ సినిమా చూసిన తరువాత రానా నాకు ఫోన్ చేసి దాదాపు ఏడ్చేటంత పనిచేశాడు.. ఈ సినిమా అంత నచ్చేసింది రానాకి. అందుకే ఈ సినిమా సక్సెస్ మీట్‌కి రానా ని పిలుద్దాం అనుకున్నాం. వాడికి నాకు మంచి స్నేహం. అంది ఎంతెలా అంటే.. ఈ సక్సెస్ మీట్‌కి మధ్యాహ్నం వరకూ రానాకి చెప్పలేదు. ఎందుకంటే చివరి నిమిషంలో పిలిచినా వచ్చేస్తాడని వాడిపై నమ్మకం’ అంటూ తమ ఫ్రెండ్ షిప్ గురించి చెప్పారు నాని.
from https://ift.tt/2LtOBGT
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment