శింబు, త్రిష షార్ట్ ఫిల్మ్.. ఆ జ్ఞాపకాలను గుర్తుచేశారు!

ప్రముఖ దర్శకుడు గౌతమ్ మీనన్ సరిగ్గా పదేళ్ల క్రితం ‘విన్నైతాండి వరువాయా’ అనే రొమాంటిక్ లవ్‌ స్టోరీని తమిళ ప్రేక్షకులకు అందించారు. శింబు, త్రిష హీరోహీరోయిన్లుగా నటించిన ఈ సినిమాను తెలుగులోనూ తెరకెక్కించారు గౌతమ్ మీనన్. నాగచైతన్య, సమంత హీరోహీరోయిన్లుగా ‘ఏ మాయ చేసావే’గా తెలుగు ప్రేక్షకుల ముందుకు వచ్చింది ఈ సినిమా. నాగచైతన్య, సమంత కెరీర్‌లలో ఒక మరపురాని చిత్రంగా నిలిచిపోయింది. అయితే, ‘విన్నైతాండి వరువాయా’ చిత్రంలో నటించిన శింబు, త్రిషలతో ఈ లాక్‌డౌన్ సమయంలో ఒక షార్ట్ ఫిల్మ్‌ను రూపొందించారు గౌతమ్. Also Read: ‘కార్తీక్ డయల్ సేతాయెన్’ అనే టైటిల్‌తో నిర్మించిన ఈ లాక్‌డౌన్ షార్ట్ ఫిల్మ్‌ను ఈనెల 20న విడుదల చేశారు. త్రిషకు శింబు ఫోన్ చేసి మాట్లాడే విషయాలను ఈ షార్ట్ ఫిల్మ్‌లో చూపించారు. అయితే, సంభాషణ అంతా తమిళంలో ఉంటుంది కాబట్టి తెలుగు వారికి అర్థం కాదు. కానీ, తమిళులను మాత్రం ఈ షార్ట్ ఫిల్మ్ విపరీతంగా ఆకట్టుకుంటోంది. ఇది చూసిన చాలా మంది తెలుగు ప్రేక్షకులు నాగచైతన్య, సమంతతో ఈ షార్ట్ ఫిల్మ్‌ను తెలుగులో తీయమని గౌతమ్ మీనన్‌ను కోరుతున్నారు. ఈ షార్ట్ ఫిల్మ్‌కు ఎ.ఆర్.రెహమాన్ సంగీతం సమకూర్చడం మరో విశేషం. Also Read: 12 నిమిషాల నిడివి ఉన్న ఈ షార్ట్ ఫిల్మ్‌లో జెస్సీతో కార్తీక్ మాట్లాడే సంభాషణలను పొందుపరిచారు. ఈ సంభాషణల ద్వారా ‘విన్నైతాండి వరువాయా’లోని ఆ మధుర జ్ఞాపకాలను అభిమానులకు గుర్తుచేశారు. ప్రస్తుతం ఈ షార్మ్ ఫిల్మ్ సోషల్ మీడియాలో వైరల్‌గా మారింది. యూట్యూబ్‌లో ప్రస్తుతం టాప్ ట్రెండింగ్‌లో ఉంది. విడుదలైన 24 గంటల్లోనే 8 లక్షలకు పైగా వ్యూస్‌ను సాధించింది. ప్రస్తుతం 1.8 మిలియన్ వ్యూస్‌ను దాటింది.

from https://ift.tt/36qaq3W