పెళ్లి చేసుకుంటారా? అంటూ సోషల్ మీడియాలో ప్రపోజల్.. హీరోయిన్‌ షాకింగ్ రిప్లై

సోషల్ మీడియా అందుబాటులోకి వచ్చాక సామాన్య ప్రజలు, సెలబ్రిటీల నడుమ దూరం చాలా వరకు తగ్గిపోయింది. ఈ స్మార్ట్ ఫోన్ యుగంలో సింగిల్ క్లిక్‌తో తమ అభిమాన తారలపై ఉన్న అభిప్రాయాలను పంచుకుంటున్నారు నెటిజన్లు. ఈ క్రమంలోనే 45 ఏళ్ళ బాలీవుడ్ అందాల తార రవీనా టాండన్‌కి ఓ వింత ప్రపోజల్ వచ్చింది. ఇప్పటికే పెళ్ళైపోయిన ఆమెను పెళ్లి చేసుకుంటా అంటూ ఓ నెటిజన్ ప్రపోజల్ పెట్టాడు. అయితే దీనిపై స్పందించిన రవీనా.. షాకింగ్ రిప్లై ఇవ్వడంతో ఈ ఇష్యూ వార్తల్లో నిలిచింది. లాక్‌డౌన్ కారణంగా ఇంటికే పరిమితమైన రవీనా టాండన్.. గతంలో తను విహార యాత్ర తాలూకు ఫొటోలు షేర్ చేస్తూ ‘వేసవికాలం వేడిని తట్టుకోవడం చాలా కష్టంగా ఉంది. ఏదైనా మంచు ప్రాంతాలకు విహారయాత్రకు వెళ్లాలని అనిపిస్తోంది’ అని ఓ క్యాప్షన్ జత చేసింది. దీంతో ఈ పిక్, ఆ క్యాప్షన్ నెట్టింట వైరల్ అయ్యాయి. రవీనా పోస్ట్ చూసిన నెటిజన్స్ ''మిమ్మల్ని చూసిన ప్రతిసారీ కొత్తగా ప్రేమలో పడతాను, మీరెప్పుడూ మహారాణినే. లవ్‌ యూ'' అంటూ కామెంట్లు పెట్టారు. కానీ ఓ నెటిజన్ ఏకంగా 'వచ్చే జన్మలోనైనా నన్ను పెళ్లి చేసుకుంటారా? మేడమ్' అని కామెంట్ చేశాడు. దీనిపై రియాక్ట్ అయిన ఈ బ్యూటీ సారీ.. మరో ఏడు జన్మల వరకు ఖాళీ లేదంటూ షాకింగ్ సమాధానం చెప్పింది. హిందీతో పాటు తెలుగు, తమిళ భాషా చిత్రాల్లో నటించిన రవీనా టాండన్.. అప్పట్లో యువ ఆడియన్స్‌ని ఉర్రూతగించింది. ప్రస్తుతం ఆమె కన్నడ నటుడు యశ్ హీరోగా రాబోతున్న కేజీఎఫ్ 2లో కీలక పాత్ర పోషిస్తోంది. ప్రశాంత్ నీల్ దర్శకత్వంలో రూపొందుతున్న ఈ సినిమా కోసం ప్రేక్షకలోకం వేయికళ్లతో ఎదురుచూస్తోంది. Also Read:

from https://ift.tt/3dotAcv