వెండితెరపై క్యారెక్టర్ ఆర్టిస్టుగా తనకంటూ స్పెషల్ క్రేజ్ క్రియేట్ చేసుకుంది నటి . అక్క, వదిన, అమ్మ పాత్రల్లో నటించి ఎన్నో సినిమాలతో అలరించింది. కామెడీ పాత్రలకు కేరాఫ్ అడ్రస్గా నిలిచిన ఆమెకు ఈ మధ్యకాలంలో అవకాశాలు తగ్గిపోవడంతో సోషల్ మీడియాలో హంగామా చేయడం ప్రారంభించింది. తన టీనేజ్ కూతురు సుప్రీతతో కలిసి డాన్సులు చేస్తూ సామాజిక మాధ్యమాలను ఊపేస్తోంది. దీంతో తల్లీకూతుళ్ల డాన్స్ వీడియోలకు ప్రత్యేక గుర్తింపు లభించింది. ఈ ఇద్దరూ కలిసి డాన్స్ చేశారంటే ఆ వీడియోకు లక్షల్లో వ్యూస్ రావడం గమనార్హం. అయితే తన కూతురు సుప్రీతను సినిమాల్లో పరిచయం చేసేందుకే సురేఖావాణి తాపత్రయ పడుతోందంటూ, అందుకే ఇలాంటి వీడియోలతో అట్రాక్ట్ చేస్తోందంటూ జనాల్లో చర్చలు మొదలయ్యాయి. ఈ క్రమంలో ఇటీవల ఓ మీడియాతో ముచ్చటించిన సురేఖావాణి.. తన కూతురితో ఉన్న సాన్నిహిత్యం గురించి, కూతురు సినీ ఎంట్రీ గురించి స్పందిస్తూ ఆసక్తికర విషయాలు చెప్పింది. తన పేరెంట్స్ తనను చాలా స్వేచ్ఛగా పెంచారని, ఇప్పుడు తాను కూడా తన కూతురికి అంతే స్వేచ్ఛనిస్తూ పెంచుతున్నానని సురేఖావాణి తెలిపింది. ఏదైనా తనతో పంచుకునే చనువు ఇస్తూ కూతురిని చూసుకుంటున్నానని చెప్పింది. తల్లిదండ్రులు అంటే బెదిరింపులు, హెచ్చరికల ద్వారా వచ్చే భయం కన్నా గౌరవం ద్వారా పొందే భయం ఉండాలనేది తన అభిప్రాయమని చెప్పుకొచ్చింది. ఇద్దరం కలిసే షాపింగ్ చేస్తామని, అలాగే పార్టీలు, పబ్బులకు కూడా ఇద్దరం కలిసే వెళ్తామని ఓపెన్గా చెప్పేసింది సురేఖావాణి. తనకు బాగా ఇష్టమైన డాన్సులను అప్పుడప్పుడూ కూతురు సుప్రీతతో కలిసి చేస్తుంటానని, సరదాగా ఆ వీడియోలు సోషల్ మీడియాలో పోస్ట్ చేస్తే అవి బాగా వైరల్ అయ్యాయి తప్పితే అవేవీ ప్లాన్ వేసుకుని చేస్తున్నవి కాదని స్పష్టం చేసింది సురేఖావాణి. ఇకపోతే తనకైతే కూతురిని సినిమాల్లో పరిచయం చేయాలనే ఆసక్తి లేదని చెబుతూనే.. ఒకవేళ కూతురు ఇష్టంగా వెళ్తే మాత్రం కాదనని తెలిపింది. ఇదంతా చూసి సురేఖావాణి కూతురు వెండితెరపై కాలుమోపే రోజు దగ్గరలోనే ఉందని చెప్పుకుంటున్నారు జనం. చూద్దాం మరి ఏం జరుగుతుందో!.
from https://ift.tt/3fzdz5w
No comments:
Post a Comment